車天車地 一個有好多回憶既地方!!!

106愛的鼓勵 0訂閱站台

10-5-08(六)返8:00，我、阿Lo、阿何、細梁會一齊跟小朋友車去採排「長幼才藝耀崇真」，所以早上唔駛睇仔，阿Lo同阿何係到講返呢幾日學校發生o既事，因為阿何去左影結婚相。阿Lo俾阿何個實習生同老細激死。例如實習生連班仔個日程係咩都唔知，搞到老細以為阿Lo冇交帶，查實阿Lo帶走佢班小朋友去上堂前已講了一次，我也同校長講了一次，我上堂時，阿何班仔應要做線條練習。但兩條友都係唔清楚，這是他們的問題吧!

9:30出車，差不多半個鐘就到大埔文娛康樂中心，去到時都冇咩野做，後來我同細梁幫手貼label係d座位到，來劃分邊個機構坐邊到，佢d位o既行距好窄，行入去貼label都幾麻煩，我更加想撞花我今日第一次著的Nike波鞋。

12點幾班仔採排員，跟住坐旅遊巴去安仁食午飯，安仁間園係停車場隔來，獨立一間學校，幾得意，有日本幼稚園feel，學校入面樓底高、又有獨立課室，崇拜會5間幼兒學校o黎講，我覺得呢間環境最好。

飯後同小朋友化娤(我發覺自己都好耐冇化過娤，因為懶。)，同埋set頭，幫女仔set頭飾，冇難度。

2:15就開車返去大埔文娛康樂中心，我同細梁站崗係門口，同埋要帶位，到開場時，又封番個出口，唔俾人出入，真係麻煩。

由站崗開始企，企到差不多5點幾，成3個幾鐘，重要開著新鞋，對鞋兩側有點近，一個字「痛」。

最後一個環色係職員上台唱大合唱「歡欣」。

5:30完show，跟住細梁call van搬道具返學校，上車後，細梁、阿Lo叫司機平d，佢話佢係接oreder做事，跟住我同司機不斷打牙較、吹下水，叫佢繞一繞愛民(放低我同阿何)先落黃埔，最後佢都肯，不過叫我唔好同人講，以免被人話做話行規。

6:17返到愛民，回家後太累了，7點幾訓到9點幾，其實唔駛醒，但轉身時壓到耳環，所以想去除耳環，起身時見個鐘9點幾，所以就去食飯，跟住又冇瞓番，到成2點幾先再瞓。

PS5:40坐緊VAN時，收到Dranell電話，問我今晚去唔去，我話去咩?佢真係傻原來佢以為今晚學劍撃，所以坐在巴士過海，一.一。佢已經係第二次以為星期六上堂了。

11-5-08(日)返午堂崇拜，崇拜後，團契室有人開會，同Millie上唔到堂，於是搵埋Hazel、念念、Chris、偉仔，神學生一齊食樂園，樂園裝修左靚了好多。

飯後，我送Millie去麻油地地鐵站後，走行下潮流特區、跟住去旺中取番條姊妹裙(但重未整好)，跟住上新世紀、再行花園街、最後4點幾行番去家樂商場o既strawberry搵Vicky，係人多車多o既旺角行左好耐，終於都有得坐下了，5點leave，坐Mtr過銅鑼灣，再行Sogo，5:40搵Dranell，佢先重係奧海城，即係又會遲到啦!於是我行去Sogo後面的小食店買雞蛋仔，$5一底，抵就抵，不過唔好食，我對食都冇咩要求，但都覺得呢個雞蛋仔好稀，冇雞蛋味，淡，係咪溝左水呢?完全唔ok。跟住會合埋King就行皇室堡，皇室堡裝修左。之後行諗住去買阿波羅雪糕，Dranell又話到，所以冇買到，跟住一齊上南華會。

途中突然有人打我隻手，原來係萍姐，佢已經係上個月洗禮了，頭先就去完大球場o既佈道會幫手唱詩班。

今晚劍撃都有10個人上堂，今堂學咩叫主動權同埋攻擊人，所以我們只是企係到被人練習刺同埋刺人，我同一個好似玩太極o既阿叔一組，佢唔肯好敢刺我，可能驚刺痛我架，但我又好落力去刺佢wor!!佢真係慘!

晚飯去了食上海野，同樣唔ok，炸年糕淡、生煎包入面冇湯、排骨一般、肉絲二面王和豆沙窩餅就正常，飯後陪Dranell行街買衫，並興起講明天去踩單車，然後call人，跟住去御品食糖水，蕃薯雪糕幾特別、水牛乳雙皮奶都ok!成11:45先走，同King行去坐113回家。

最後又搞到成2點幾先瞓，累。