車天車地 一個有好多回憶既地方!!!

106愛的鼓勵 0訂閱站台

 

27-12-08(六)8:00起身，收到校長電話，佢叫我坐的士運送旗袋去銀行，這實在太好了，去到銀行見埋另一個partner，佢係沙綜同事練潔容，佢真係一個好純好純o既女仔，似我，haha!

 

    大埔救恩書院黎sir帶隊，帶左48個學生來幫手賣旗，好彩有老師幫手帶隊，所以當佢d學生未交旗袋時，我都可以搵佢幫手call個學生返來。

 

    佢地有個同學仔好西利，賣左7張旗紙，咁當然要搵呢位學生影下相啦!(因佢個旗袋暫時係最重的)之後買個阿sir攞埋個e-mail add，等我可以send番d相俾佢，又好好彩地個阿sir自己留埋個手提俾我，因為阿sir話收隊後，我發覺佢地o既學生重有兩個旗袋未還，打電話問阿sir時，先知佢呢兩個學生係ABS，所以係佢立場，佢地人齊走得，但係我呢毎個旗站就會收唔埋旗袋，anyway你話我知佢ABS就得了，只要佢唔係係我同銀行交收旗袋後才出現就行了，否則我要親自將有錢o既旗袋送返總部。

 

    D學生有勤力的，有懶散的，有d旗袋中，我估四有十幾個銀仔罷了。後來有比剛才那女學生更利害的義工，佢個袋重到要2手先攞得起。後來又有兩個好熱心的母女，佢地透過社署得知我地有賣旗活動，並主動來做義工，之後留左電話俾我tim，話再有義工活動，可找她們。又俾我遇到d熱心o既好義工。

 

    跟住坐的士返學校，然後再回家。

 

    2:30leave，行出太子，同Apple、Phoebe、Joe食義順，跟住坐皇崗巴士上深圳按摩，係三島樓下個層發現竟然有圍棋同象棋捉。但d圍棋係棋社個隻較cheap o既棋。晚飯去毛家飯店，11:00leave，12:00已返到香港了。

 

 

 

28-12-08(日)5:00返教會，今日提團十週年慶祝會，返左呢個團契已經十年了，十年人事幾番新，期望我下一個十年時，我o既回憶中都仍有呢班團友。

 

    陪伴左我地10年一同成長o既導師阿鵬，佢退役了，而鵬嫂也同樣離開我們了，佢會返番查團幫手，不過無論你地重係唔係提團導師都好，我地係崇拜仍然可以見呢!我地有事都同樣會搵你地幫呢!

 

    我地為兩位導師獻唱全因為你(鵬嫂好鐘意呢首歌)同偶然遇上的驚喜時，鵬嫂哭了!

 

    諗起早3日係黃埔堂o既聚餐聽到呢首歌時，我當時都覺得好好聽，雖然首歌識左好耐，但一再留意歌聽，回想過去有神陪伴的日子，突然感觸良多。