車天車地 一個有好多回憶既地方!!!

106愛的鼓勵 0訂閱站台

13-11-07(二)7:15起身，7:55落樓去等2C入CITY門口到等阿湯，等到8:12幾先有車，好彩都趕得切係8:30到，如果等到8:15都冇車，我就會坐的士了。

8:32阿湯來到，跟住車我入澤安道，佢車我入巿場，試泊了一次s位泊車，然後俾部車我係出面都練掉路、斜路開車同泊位，本身考9:30，但9:15已上車準備了，9:20左右就開考，我個考官係一個好好既阿伯，佢態度好好同好有禮貌，我係斜路開車時，一預備開車，就見有架車準備開上來，我又等左差不多成分鐘先開到車，正準備轉入試場時，聽到有人叫我停車，因為好多車由試場開出來，等左幾部車後，我又諗過好唔好拉手制，我怕停得耐，一開車會留後，一開車就正如我所料，架車留後，我即係刹停部車，到再開車時又留後，又俾我刹停部車，跟住竟然未開車入空波，好彩拉手制前，望見標板未著，我即刻開番著部車先再入波開車，心一沈，死啦!死咁多樣野，唔係又要補考唉!又要1700，唔好玩啦!

之後考既s位泊車，同三手呔掉頭，我都考得好好，考掉頭時，阿sir專登望我有冇撞到博，我都冇事，呢個阿sir真係好好，好有禮貌，會逐個step叫我去做，eg.咁我地而家可以泊位，佢既態度能令我淡定去做。可惜到我考完個刻，我唔記得講唔該阿sir!

考完試落車時，見到阿湯個樣面無表情有d黑，死啦!唔通我斜路開車個part真係衰左，要考多次，唉…!直到去攞番分考試個張評估紙時，見到合格，即刻開心番。好開心呀!終於考到車牌了!

9:37已考完，跟住阿湯車番我去又一城，我入去又一城巴士總站，好好彩咁趕得切上準備開車既2小巴，around10點前就返到黃埔，其實我可以係10點返工，那只是補OT1小時就行了，但今日咁開心，緊係要買D野食請同事食賀一賀佢先得。可惜行運吉之島同百佳，都諗唔到買咩，想買雪糕，天氣凍又開始唔合時宜，想買蛋撻，但周圍都冇得買，咁買蒲撻LA，但而家10點幾買方去，大家都可能要等仔食飯時先可以食到，那都已經凍曬了，結果係乜都冇買，等仔訓覺時，我2:45先落去買。

2:45落吉之島買壽司請仔食，同事就請蒲撻。

放6:00，6:15離開學校行去碼頭，等6:40去中環，等船時就睇圍棋書，到中環後call Vicky，去麥當勞搵她一齊食野，跟住行番去的士站會合Shauna、Hazel、阿Lay、念念，再等埋阿勝，便分兩架的士一齊上天主教聖母無完罪教堂，一起參與Taize祈禱會，呢間天主教堂裝修間，但都可以感覺到佢好有傳統教堂feel，係呢個聚會使我知道我要數算返上帝既恩典，我不能忘本。

留到10:40先走，一齊撘的士返落中環，再坐113返屋企。