車天車地 一個有好多回憶既地方!!!

106愛的鼓勵 0訂閱站台

13-9-07(四)今日因約左牧師傾計，所以專登同人調班返8放5，越接近放工，個心就好似越唔想去，其實呢輪都好想搵d人可以同我講下信仰，免勵下我，但到今日可以同牧師傾下計，反而又唔想去，真係奇怪。

坐212出油麻地，撘5:52落車，那絶對準時就可以回到教會了，係通達對面行緊時，就見到偉仔係前面，又會咁啱o既，見佢傾緊電話，冇叫佢，到我準備過對面馬路時，聽到偉仔同電話那個人講見到carman，我望下偉仔，再望過YMCA，就見到Mandy坐在係度，好開心可以係到見到Mandy，佢今個星期一終於返工了，佢走起路來有d疾下疾下。

原來Mandy上完tranining後返o黎教會，因7點練和聲，而偉仔回來幫敬老午宴做野。

返到教會時，牧師記錯左我約6:30，好彩有Mandy、偉仔佢地陪我hea，我地冇乜野做，唔記得講開咩了，偉仔同Mandy就係度睇左安素堂明年book聖堂既日期，跟住我都入了牧師房同牧師傾下計。

我同牧師講我教幼兒學校，剛讀完hd，佢問係咩，我話係CE，佢話佢知CE係咩，原來佢係幼稚園、小學同中學o既校監，唔怪知得佢知係CE啦!(通常行人先知咩係CE，D外行人唔多明，所以我會同佢地講係HD)

同牧師講下邊個帶我返教會，而家校學工作環境，校長、老師如何，自己有想過轉行….跟住佢問我對牧師有D咩期望，想佢做D咩，我咪問其實牧師本身有咩做，佢話佢會寫証道既稿、寫下文章出刊物、出書(我自知佢幫佢媽媽寫過一本回憶錄)(跟住佢拎左D佢其他出過既書俾我睇，我話我都有睇過佢媽媽本書幾版，我講返小部份既資料俾佢聽，有d講啱有d講錯，後來佢就送埋呢本書俾我，好開心呀!第一次有牧者送書俾我)、探訪、佢係聯聯長(有堂會裝修，佢要去睇下環境)、佢係學校校監，有機會要處理下投訴(好少發生)…

我同牧師講以往既牧師係聖餐時叫到我個名我已經好開心了，同埋以前李牧好忙，都好少見到佢，其實教會可以俾多d牧養就好了，曾經都有一個宣教師可以帶到我成長(Ackie)，但佢走左後，我就浮遊了好多年，有時返崇拜都好似變左一個習慣，同班團友識左好多年，但有部份人就好似識左好耐o既陌生人咁，佢問我點解重係度，我話我有諗過走架!未係時候怪，同埋今年去完Taize後就好d了。其實牧師今年探訪我地同我地傾計，我都好感動架!因為教會除左在乎傳福音外，其實內裡o既人都好需要關心，安素o既傳統d人較為比較，可能有d人覺得咁係好，如果對人太熱情，佢地會重驚，呢d人可能留低左，但如果人唔成長，有一左都會走，所以要走既人已經走了，留係度既，有可能係時候未到。

牧師話安素人都冇佢都好似冇咩要求，佢話間教會都發展左52年，而家要面對o既問題係我地o既下一代，佢唔講我真係唔知，原來提團係計婦女會係第二多人o既團契，但團around 10個，少團得6個，wa!!!(原來情況已經咁險峻，我一直都缺乏關心教會o既發展同動向，因為我覺得我自己o既靈命都已經危危乎了)

牧師話佢細那個女都返回衛理堂既兒童團契，因為呢邊冇兒童團契，過往搞鮮魚行想那邊d小朋友返o黎呢到既教會，佢話佢去個鮮魚行先知那間學校本身都已經有教會在校內發展事工了，同埋以佢家長o既角度來看，會不放心子女去咁遠既地方，搞補習可以吸引到佢地o黎，因為有需要，但要留人返教會就可能困難d。佢有一日去過曾光中學，那一天有第二間教會o既傳道人同樣去那兒，以佢曾光中學個團契第十幾人o黎講，d學生要再分去呢個教會定果個教會，都唔係咁好。佢而家o既目標係東華三院既羅積谷小學，佢定既小學生，上中學後，有機會keep到返教會，佢想幫4、5、6年級既學生搞一個團契，佢也撘了路搵個那邊o既長傾過，我問佢上次搜集安素堂老師o既資料，是否用於此，佢都話係。

聽到牧師對牧會擴展o既工作，而我也答應係小學呢件事上願意幫手，我發覺自己一直都唔熱衷係教會o既事待上，Ackie係到時，我會好熱心幫佢架!

牧師同我分享佢想發展教會既工作時，我覺得自己被邀請幫手，可以一齊同工，感到開心，亦感到為主工作既迫切性，因為莊稼多，作工既人少。

後來同牧師講到有咩娛樂時，我話睇電視同打羽毛球，佢話可以搵佢一齊打，我都不斷問佢係咪真架!牧師咁忙，真係有時間…(似乎我既信心都太少)，後來重上網book場，但未搵到點book，要打電話去問先得。我同牧師講話佢部電腦冇倉頡，是否只用速成打，佢話佢唔識打中文，英文都只係用一隻手指去打，我話我打字都快，都可以幫下佢手，跟住佢話安素正要請partime打字員，而我也答應幫手了。

後來牧師同我祈埋禱就走了，差不多9點4，都傾左成接近3個半鐘，今日同牧師傾完計覺得好開心，那種開心出自於靈，莫非佢真係我同天父求一個可以帶我成長o既導師?

我鐘意呢個牧師關顧內在既人，應自己的不足，同埋佢有d位都幾搞笑，就好似阿Joe講，以往李牧俾人覺得佢好得，但呢個牧師給人o既感覺，就係佢都係一個普通o既人，有軟弱o既一面。