車天車地 一個有好多回憶既地方!!!

106愛的鼓勵 0訂閱站台

24-8-07(四)放5:00，本身諗住等到6:00先去做gym，但到6:00時，個人冇咩心機，勁想返屋企，同埋阿媽今日放假會去阿婆到，咁我就可以一個人靜靜係屋企hea下，所以放工去了肯德基買d雞回家同阿媽兩吃(順便用一張要31/8前6:00後先用得既優惠卷，如果唔係我就會後悔點解放5:00，唔坐5:10既車)，一回到家，就見到阿媽在家，oh…冇得一個人靜下tim。唉…如果我一早知阿媽係屋企，咁我會唔會去做gym呢，呢個都係一個謎。

24-8-07(五)放工5:00，做陣野，6:10左右走了，行了去紅磡火車站，行到6:45call阿霖，佢都未收工，我找坐火車去佢間新屋，去到佢屋企愉翠園都要成40分鐘，阿Alex開門俾我，入去坐，吹下水，8點幾阿霖先返到來，跟住Alex去買肯德基，我同阿霖就傾下密計。

食完野，睇埋歲月風雲就走了。

佢間屋裝修得都幾有時代感，有自己既屋企都幾舒服。(不駛做家務o黎計)

25-8-07(六)返8放12，跟住去學結他，今堂得我同另一個人男人上，如果佢唔想，我就係包堂了，起初那個男人未返來，阿sir都打算同我彈詩歌，可惜我冇譜係身。

學完結他，等電梯時，見到落緊大雨，真係黑仔了，因為我日日都有帶遮出街，偏偏今日換左帶結他，沒攞遮，就落大雨了。而家又要趕住3:15入到葵興，唯有照衝啦!唔好淋到病就得了。

6:15去學車，今日學車時，過緊條馬路，明明架車可以行，但d行人亂過馬路，第一次遇到呢個情景，我還打算响安，阿sir要幫我刹停部車，佢話如果呢個時候响安，d人嚇親就會唔行，咁咪會撞到人lor，咁又係wor，好爭d人亂過馬路。(其實自己也是一份子)

學到5:30，跟住出番油麻地，食通達，食到6點幾返教會，本身還諗緊成45分鐘可以點過，應可以搵個地方恰一恰，去到二樓，見到Maggie同和仔，結果就同左佢地兩個係到吹水同傾計，呢Maggie都話我同Mandy一樣……一樣咁無聊……hahaha，後來和仔都有攞我d結他譜練下我d歌，佢都有邀請我入和聲，但係我既拍子奇差，唱功又唔得，點入呀?

跟住林崇智牧師攞住本書企係佢間房門口，跟住同我講話我好幸福，我就應佢感謝主，佢叫我行過去睇野，佢話我係第一個見到佢細個個樣o既人，hahaha咁都得，呢個牧師都幾搞笑!

7:00上問訓簡介，講解下點做功課，有7個人上，剛剛好成班，更緊要既係有千秋讀，因為其餘6個人都係提團，就會變左包團讀，這情況下是不能開班的。上完呢堂，我諗我都會鐘意呢個course。

完左課程都成9:00，Phoebe叫我行街，一定頂唔住，因為拎住結他，同埋下午淋過雨，都驚自己會病。結果同Phoebe去了麥當勞食左杯雪糕。
返屋企沖曬涼後，就開始做門訓功課了。

26-8-07(日)返午堂崇拜，並負責鳴鐘，午堂時也有一個門徒獻心禮。

Lunch食吉野家，2點返團契，林崇智牧師今日o黎參加我地既團契，佢講左佢助養o既三個小朋友，是因為佢讀神學時，見到個外國老師有助養一個中國人o既小朋友，佢想佢將來o既家庭也可以這様，佢加埋一個自己親身既小朋友，共有4個，屋企更養了兩隻狗，真係熱鬧!

團契後去beauty forever做facial，6:30做完，行番去朗豪坊，食酩霞飛上海料理，都幾好味。跟住去ITALIAN TOMATO食cake，呢期鐘意食cheese cake。