車天車地 一個有好多回憶既地方!!!

106愛的鼓勵 0訂閱站台

13-8-07(一)返8:00超累，放工5:00即走，坐5:10車回家，食大快活既tea，沖埋涼6:30就訓覺。

14-8-07(二)由琴晚6:30訓到今朝7:00，訓左半日有多，當中都醒過好幾次，但都係太累，所以繼續訓。放5:00，等埋放6:00既阿彭，然後同阿lo、細梁一齊坐30x去深水埗食日本自助餐，我地6:30上車，7:15下車，去到稻葉亭時，Mianne、大梁、阿李同阿林已經到了，去到時，枱面已鋪滿食物，這實在太好了，因為我同阿盧已經好肚餓了。

食到9:10早走了，坐6D去九龍城，同子健食糖水，食到11點就走了，返到屋企就睇番歲月風雲既錄影帶。

15-8-07(三)放5:00，6:00去卓悅做facial，坐212巴士出太子，我訓覺時，就聽到恩賢既嬤嬤同佢哥哥既聲音，佢地坐我隔來，哥哥都幾無禮貌，因嬤嬤叫佢聽歌電話o既歌，唔好開咁大聲，怕會嘈到人，咁佢就係到罵嬤嬤死衰人，呢個哥哥真係過份，係嬤嬤先咁忍得佢。

做完facial8:00，覆阿勝電話，佢問我同唔同佢、Tracy、寶文一齊入元朗食壽司，但要等到9:45 Tracy放學先有得入，但呢個時候已經落緊大雨了，等唔係問題，問題係食完之後，我要坐好耐車先返到屋企，明天重要7點起身，so我話除非車番我出來，如果唔係唔入去了，阿勝話咁就(蚊)d，最後都係回家了。

行路回家時，同惠凌傾電話，佢問我一唔一齊讀基督教既幼兒課程，呢個課程以前我都曾經考慮過，不過當時讀緊ied CE，所以有時間讀，但係我又唔係太想教主日學，讀o黎係for返教學o既學校，都尚算有用的(讀一年有cert，三年有diploma)。But我又打算明年可能會讀返Degree (因我間學校有個老師會CE畢業，有機會排到我攞學券制d錢去讀Degree wor)

打日記同post，搞到成點半先沖涼，2點先訓覺。

16-8-07(四)放5:00，坐5:30車出旺角，就o黎落車時，有人篤我手臀，夠竟係邊個，唔通係梁恩賢既嬤嬤，oh原來係阿Lo，佢同我坐埋一班車，佢因為剛剛聽到講電話，覺得把聲好熟，周圍望就見到我了。(我打電話問雯雯係邊，然後搵佢攞元氣卡)。

同阿Lo一齊係雅蘭到落車，佢問我去邊，我話我同朋友食飯，佢話我就好啦，咁自由，因佢生完女後，少去街，要回家照顧女兒。我今年都真係幾得閒，唔駛進修，暫時都只係星期五會上門訓，要再搵d野讀下先得，今朝先諗緊好唔好就去考番張LCCI。

去麥當勞搵雯雯借張元氣卡，跟住去元氣同Evelyn(以前既補習學生)食飯，佢係4月已經去左加拿大讀書，14/8返o黎，30號又走了。

Evelyn係呢幾個月自己生活，面對不同的問題，都大過左，希望你能戰勝更多難關啦!

食到7點幾就走，行旺角中心，跟住去教協買野。(我想係8月31日將ied學生證過期前再去多次買野)

接近9點半就走了，再行路回家。