車天車地 一個有好多回憶既地方!!!

106愛的鼓勵 0訂閱站台

17-4-07(二)上堂時，同d仔用電腦睇車既video，跟住咪去搵下車d牌子標誌俾d仔睇下，因為我都想睇下究竟日產既標誌係點，點知一見到日產個標誌時，正昕(朱仔)竟說了呢個牌子既英文Volkwagen，嘩!佢實在太太太叻了…

lunch時，阿lo問我會唔會去大陸整水晶甲，我話唔會了，因為d指甲好似唔係自己咁!好唔方便。(我當初整都只不過係未試過想試下，同埋要改左meat指甲呢個壞習慣，不過原來江山而品、品性難移)阿lo話佢想上去整，咁我話我陪你上去lor，講講下我話不如一齊上去玩啦，跟住又叫埋大梁同阿李，阿李話珠海既中藥谷幾正架!我即刻諗起當年去台灣時，我地去游水個游泳都有中藥浸，個感覺都ok wor，我即刻興大增，跟住我問阿lor，你唔駛睇住個女咩(阿lo剛剛先係兒童節前放完產假回來，佢應該會好掛住個女先係，我記得以前個舊同事阿蕭一生完女返黎都係咁講過)，跟住阿lor話係呀!都唔係諗住而家去，都要等個女大d先去，咁at least都要幾個月啦!我同大梁都當堂下，而家講得咁興起，大家都以為係會最近一、兩個星期會去，點諗過會係咁耐呀!阿lo話我地不嬲約人都要約好耐先齊人，而家講定差唔多，咁佢又講得啱既!

冇諗過會有一天同呢到d同事傾好談，可以講到一齊去玩，而家諗番轉頭，當初係九龍城受一個多月苦，都會係神既安排，如果我一早去辭職，或者早已搵到第二份工了，那就冇機會入到呢間學校，好多時候神既安排都會係過左好耐好耐先發覺，thx god!

放6:00，坐15號巴士去藍田，坐在差不多成10個字先到，係巴士可以做既係訓覺，跟住行滙景，因Eevlyn(以前既補習學生，原來已識了佢7年，真係睇住佢大)佢都未回家，係滙景商場我9九成會食下冷麵，跟住行街見有間鋪車衫鋪，咪攞個袋俾人車番條魔術貼，因為個Harrods袋了，好易被人偷野，冇咩可安感。8點幾call Eevlyn，佢已到藍田，於是我地約百佳見，順便買D甜品上去佢屋企。

一去到佢屋企時，就見外面突然狂風暴雨，好恐佈，好似打風咁，橫風橫雨。好彩我地返得黎及時。Eevlyn佢會係月尾就去加拿大讀書，可能下次會一年後先見，不過都唔緊要啦!一年其實可以好快過，話時話我對上一次黎見佢地一家人都係舊年新年，咪又係隔左成年幾冇見。

睇見Eevlyn為左佢去加拿大而擔心，佢擔心佢同媽咪會撞機，跟著冇人照顧細佬，會冇錢交學費…叫佢咁多憂慮，我想俾節聖經佢睇，段聖經會係講不要懼怕，因為無論你往那裏去，你的神必與你同在，怪就自好怪自己沒有熟讀聖經，搵極都搵唔到出處，反而Eevlyn話我知佢當年發生那件大穫時，我同佢講過一段聖經係詩篇46篇：耶和華是我們的避難所、是我們的力量、是我們在患難中隨時的幫助。我真係完全無印象，我講過呢樣野，經此一事後，我真係要好好再熟讀經先得。今年唔駛進修，可以攞d時間黎讀門訓。

11:15就走了，因要轉車，差不多成個鐘才可以回家。坐地鐵時係到睇書，好耐都未試過車睇書了，以往讀書時，書不離手。但自從手提電費用了d多分鐘plan後，就成日坐車傾電話或者打機，有機會真係要再睇番多d書，搵日去下銅鑼灣中央圖書館睇下書都好，果到個view超靚，望到維園同海景。