24h購物| | PChome| 登入
2007-05-14 22:08:20| 人氣20| 回應0 | 上一篇 | 下一篇

一條刺

推薦 0 收藏 0 轉貼0 訂閱站台

9-3-07(五)自從校長話完我請假一事，其實我係唔高興，雖然我體諒佢坐呢個校長位，的而且確係會緊張老師請病假，要搵其他人入組幫我睇仔，係會擔心有人手比題既問題，但係你一d都唔體恤員工既身體狀況lor，有頭髮冇人想做辣lay，淨係問我可以點避免，你估我係專登病架。
以我既為人其實呢件事會好快冇野，因我又體諒佢既處境，我又有我既諗法，只係大家既觀點與角唔同。但是可能係我對佢係新年唔批我請多三日假，所以我冇得stay Paris去觀光和買野而個心有d野，再講其實我請假那三天，你肯請個三日替工咪ok lor，又話上頭唔批，又話本身阿lo已請了產假(佢請產假，咪已搵了替工lor)，點解我唔可以搵，我都有大假架，點解唔可以放。起初去Taize前我係唔開心架!但神令我係Tazie得到另一d野，所以其它既事情都冇咩所謂。
最諷刺既係我去完Taize後返o黎香港係星期日，校長只俾我放星期一，所以我本身係要返二、三、四、五、六。
而家我旅完行係到病，只返了二和四。早知我本身都會請咁多病假，個人咪又係唔係到，你俾我放埋一、二、三咪好lor，我有得去Paris。
其實亦有機會係我去到Paris都會病，所以係香港病好過係Paris病。
又或者係我之所以病有可能係長途跋涉、坐得太耐飛機，加上旅行後放鬆曬，個人抗抵力差，所以病。點解會病就真係無從稽核了。結論係我一個星期裏面只返得2日就係事實。
呢幾日個心同態度對校長都係有d野，lunch後團契，我分享左我係Taize既經歷，跟住校長又分享在佢老公既事，佢話佢老公會常常新加坡出差，一向都唔擔心，但最近一次出差時，佢突然有d擔心，慢一佢老公坐飛機時有事，咁佢同佢兩個仔點算呢?
可能真係主內一家人啦!係神既愛下，團契既分享後，唔知點解我對校長既刺冇左了。希望係神既愛下，其他老師同校長都可以冇野啦!

我要檢舉
台長： 車人

您可能對以下文章有興趣

人氣(20) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文