車天車地 一個有好多回憶既地方!!!

106愛的鼓勵 0訂閱站台

16-11-04(二)
非常黑仔呀

我間園有小朋友患手足口呀，
由星期六1個，星期一3個，今日又多幾個tim ar
希望唔好再有小朋友再中招啦!

源頭係一個小朋友被表姐(中學生來的)傳染，
連中學生o既抵抗力都頂唔住，聽講表姐的有幾個同學還留在醫院，可能呢隻菌真係好
勁。

患者有可能爛口，成口 (非之)，好鬼痛架
手腳好多一粒粒，又可能會有 ( la ) tim

其實我地間園今晚已經進行全園消毒，
希望能趕?d細菌啦!
但人傳人就避免唔到，如果有人中了招，
又是在潛服期，回園時可能傳染俾其他人就大獲。所以我地都呼籲佢地唔好返學lor。

請各位弟兄姊妹為小朋友和幼兒園的員工代禱!

17-11-04(三)
今日只得15仔返學，有d似舊年3-5月SARS那斷時間，咁少仔返學，早上我同細王睇仔，下午去了執返整齊D戲服，同埋點數，估唔到2點開始點都要點到成差不多5點先完，好彩後來有大林同楊老師幫手點。

放5:15，放工行去黃埔，先曬相，跟著劉佩珊來找我，因為到了6點陳燕飛到未來。曬完相後，我同劉佩珊去了冒險樂園到玩，玩左一陣，陳燕飛也到了。

我地一齊去王家沙食晚飯，大家都好似唔算太多野講，咁我就講多D啦!當然不斷問下未來醫生一D醫學常識啦!我而家會更力記得細菌同病毒既分別了，如果感染病毒，可以不駛食藥，因為冇得醫，細菌感染就要食藥。我地由6點幾坐到差不多8點，估唔到會咁早食完飯，我地行了一陣吉之島，8:30時見到有免費車去土瓜灣，於是就叫佢地去撘車回家，我就再行了一陣BESS，就行去何文田免費巴士站到，睇下有冇車，非常好彩地，一行到去就有見到有部車開始上客。YEAH!可以好快回到家了。

18-11-04(四)今日成日都係到執藝術區o既野，因為主任要我地清曬d野出來，要用1:49o既漂水清潔櫃內既木板(先用漂水抺，隔半個小時後，再用清水抺才完成清潔過程)，咁都好o既，襯呢d時間就可以執下個櫃tim，平時根本就唔會有呢d時間去執野。

因9:30開始執，到差不多放工5點左右就完成，YEAH!
不過好累好累好累。

我見有D同事更要用漂水將每本圖書去抺，佢地真係超辛苦LOR。

講真，我自己間屋從來都未試過咁樣清潔，縱使以前SARS那斷時間，我間舊園都唔會咁樣去清潔LOR，諗起以前SARS係舊園都算係我返工咁耐最(他條)既時間，返工等放工，如果主任有返，就專登搵D野黎做下，因為真係冇乜野做，那時我都一次過寫了幾個月既教案同手冊。如果主任冇返，就更開心，做自己野，我就得閒穿下珠仔，織下手繩。

放工就去返學，昨天PHOEBE話佢會係奧海城返工，咁我就可以搵佢食野，可惜放工收到留言，我冇聽留言就覆佢，佢話佢原來下午已經返番中環做野，真可惜，唯有下次食啦!我自己就去了食$14有三餸一麵既車仔麵，再加$2就有埋豆醬TIM，都幾抵呀!

不過今晚返學就真係超累超累LOR，我又點會唔(恰)著呀!