車天車地 一個有好多回憶既地方!!!

106愛的鼓勵 0訂閱站台

2-1-10(六)9:15起身，10:15同Dennis、昇仔一齊係麥當勞食早餐，Dennis用佢o既I pjone同我影左相後，我再用來加公仔，感覺就好似以前d貼紙相咁，真係好好!

 

        跟住去百老滙睇早場「美食風球」，個house 4竟然係最高個層，結果行上去都起碼要用5min，我地遲左少少入場。套戲不錯，可能以往都睇左呢套戲的預告，覺得不錯，今日睇埋，都真係覺得不錯呀，臨尾部份都幾感人。

　　睇完戲坐地鐵去中環會合Ray，再一齊行去南Y島打算坐1:10的船，點知碼頭船期同我係上網睇的不乎，那只好等1:50的船去索古灣，我地就去IFC買下潤唇膏同一M記。

   

 坐在35分鐘船，D浪也很大，隻船都幾拋，好彩我唔怕暈船浪啫。起初諗住搵條山路去榕樹灣，我都行錯左，因為有整路工程怪。後來問番D地盤工人就係番出原路再行過，今次留意番D路牌就冇再行錯了，記得上次來還見到神風洞，今次卻見不到。冇太留心睇怪…

   

 沿途見到很多外國人、一家大細、民建聯旅行團等，我希望我將來的一家有空時都能多D去行下山，親親大自然。行到去山上的亭休息一陣，食下M記麵包，飲下野。

 

      個幾鐘就行完了，跟住我地去左海邊坐石頭，曾經見到潮漲時，D海浪係石頭中又湧又退，好靚，到我攞相機去錄時，等了2,3分鐘先錄到D，但memory滿，一停機，D靚浪又來，我專登delete 頭先個短片再錄，點知就冇電了，haha…有d野係整定，可遇不可求。

 

    5點左右開始有風，所以走了。

行出大街睇下店鋪，Ray話間飾物店，有D飾物上有D好有意思的卡，有不少都是金句WOR，這可能是間由基督徒開的店鋪，跟住食左興記咖哩魚旦，D咖哩唔辣，甜甜地幾好味，再行到去碼頭，好好彩地可以即上6:10的船。

 坐5個字到中環了，行去遮打花園坐113回家，23分鐘下車。回家後有點痛，早點瞓，12點上牀。