車天車地 一個有好多回憶既地方!!!

106愛的鼓勵 0訂閱站台

5-11-04(五)返學，放學坐2E去紅磡，今晚團友仔已經去了靈堂預備，我就去稻香開位等他們，去到門口時，已見到部份團友，如joe、媚媚、馬神，我地本身先坐係一張枱，後來這張枱讓了俾judy的親戚坐，我地全部人調了去另一張枱。

見到阿勝都冇乜野，有人同我講話阿勝曾經講過呢過生日真係難忘，因為judy今晚守夜。

呢餐晚氣氛都幾好，大家有時也猜下謎語，包括有Apple o既問題：乜野借左好難還，呢樣會係其中一種零食名，我竟然估得中：借縮一宵(粟一燒)，寶民o既命案問題，呢條問題，佢一講話命案現案有灘水，唔知點解佢一有灘水我就估死左o既係金魚，yeah，但浩堅那條就解唔到，係估一個字，並可以分為三部分去估，第一部分係1+1(王)，第二部分係9+9(白)，第三部分係59+59(呢部分估不到)，唯有等浩堅再去問問題那個人去開估。食到差不多12點左右走了，本打算去食糖水，但食埋會冇車回家，所以冇去到。

6-11-05(六)judy安息禮，我地部分團友一早去了稻香飲早茶(昨晚已經留了位)，食完野，我同媚媚、家媛先上靈堂，上到去，入左去睇judy o既遺容，可能化左妝，所以佢過樣同以往不同，跟住我坐左係門口張枱到睇judy的紀念集，睇番佢o既日記，見証同大家o既感想，然後大家練了一陣詩，起初大家唱到走音，所以笑了，到儀式開始，一直都冇乜野，直到瞻仰遺容後要封官，果刻好難受，有種不能再見的感覺，想哭。

安息禮結束後，大家乘坐旅遊車去哥連臣角，旅遊車行機場那邊的天橋去過西隧，第一次坐車行呢條天橋過西隧。

去到哥連臣角，剛剛是午飯時間，等左一陣才能入去進行火化儀式，想起哥哥(張國榮)火化也是在呢個地方。

入到火化o既場地，judyo既棺木送去火化，judy細佬講弓一段感想都幾感人，但突然佢同佢媽媽叫judy快d走，d火燒到黎，我就好愕然，因為judy細佬初頭講o既說話同後面那段說話，前後好似有d矛盾。

塵歸塵，土歸土，上帝用地上的塵土造人，人死後，也歸為塵土，呢刻judy真的離開了我，但她仍活在我的記憶中。.

之後坐車去了倫敦酒樓食午餐。

食完後，同joe、heath、坤、雯雯、浩堅行了去朗豪坊，坤話我雙眼大左咁多，係咪整個容，佢話睇番以前d相我雙眼冇咁大，我就係我塊面瘦了先覺大左咋，邊有整個容呀!都痴線o既!不過你咁講都証明我雙眼大了啦!!yeah yeah (雙眼點解會大左，呢個真係一個謎，我都唔知點解!)

本來打算睇戲，然後等phoebe剪完頭髮再join番一齊，但冇戲啱睇，跟著就打算行去百老匯到睇，去到百老匯都係冇戲啱睇。