車天車地 一個有好多回憶既地方!!!

106愛的鼓勵 0訂閱站台

15/10/04(五)一朝起身去Q醫，就見到寶民坐係到，佢叫我入去judy先，入到去見到teresa同世伯係入面，跟住寶民拿了我個袋入來，佢就同tersa走了。今朝judy精神好好，認得我，問我點解係到，唔駛返工咩，我話放假，有假咪放lor，佢問我今日係咪星期一，因為佢知昨天好多人來探她，我話唔係係星期五(我想佢講緊好多人來探她係指星期三晚，似乎佢冇概念再過多左星期四那天) 佢仲同爸爸講話呢個係carman，成日打電話黎果個，真係好judy認得我，我放假黎陪佢，係非常值得架!!!佢都有同我佢細佬的事，我同佢講細佬乖了很多，昨天更帶了朋友來探她，我地各人都認了他做細佬，我地會照顧佢的。

她更要求落地行，我同佢一個朋友和佢爸爸便扶她下地，行到去張牀繞了半個圈便再上牀了，很慶幸自己係呢兩日能放假陪到佢，佢能在清醒的時候，同我講到野，可能好多野都係整定，8月那時因要調園，曾經好唔開心，更想找個第二份工，希望係幼稚園，因為幼稚園多假放，但假設我真係找到份幼稚園o既工作，那麼我就不可能咁容易係平日請到假，或許呢d都係神o既安排。

其後Phoebe也來到，跟著也有院牧來探judy，judy也能同她講話佢會轉浸會醫院，後來院牧話會有一個院牧o既同工Viola來探她，我不其然想起以前安素那個行政幹事陳小姐，估唔到o既係厡來來探她judy既就真係呢個陳小姐Viola，世界真世小呀!! Viola話聽院牧分享有一個叫judy o既病人，佢都有諗過係咪安素那個judy，所以來探她，於是大家相聚了。

當我同Phoebe坐在大堂時曾見到有一家人因為親人o既離去而痛哭，我地大家都有一種講唔出o既感覺，究竟假設到judy時，我地會點呢?

Lunch又和Phoebe去了佐敦o既翠華茶餐廳，跟住返醫院，5:30左右leave去返學，放學時9點幾有想過好唔去醫院，於是就諗睇下有邊部巴士黎先，如果係2E就去醫院，18號就返屋企，結果係18號黎先，但我都冇上車，其車我個心一早就有了答案-係要去醫院。

去到醫院後，有D團友也在，跟住我地一大班人(teresa、vico、堅、坤、寶民、後有mandy、偉仔、edmund同勝)係樓梯到傾Judy明天搞轉院o既事宜，和之前遇到有咩阻撓，同埋要睇住啊勝。

11點幾我就走了，明天又要返工了。

回到家，打了電話問Joyce關於Judy轉院o既事，佢話其實肺積水如果唔抽，最終會令到佢窒息而死，而中途沒有給她氧氣，會令d積水霸佔埋佢肺個肺，到時會死的，呢個時候醫生會考慮讓病人更辛苦去抽積水，係會加潻佢o既痛苦，同埋佢都未必頂得住，定係唔抽等佢舒服d離去。所以係呢個時候我己經明白醫生早幾日話佢得番48小時，原來都己經預兆了佢o既生命將結束。