17-9-04(五)放5:15即走，因為要去坐7:30船去澳門，收到APPLE MSM，佢話今朝見到我返工，個樣勁累(我係信用咭下車，再行經潻咸道回園，我估佢係係潻咸道那裏見到我)，坐111去中環港澳碼頭。係德信到食麥當奴既雞翼(雞翼係我致愛，雖然明早要表現話劇，唔理咁多，一於照食)，SHAUNA大概6:40先到，我再陪佢去澳門茶餐廳食野)，然後會合佢地一齊上船，係船上我坐同林綺紅牧師坐，都好似好耐冇同佢傾咁落過計，計計埋埋都有成年。
一落船先去澳門浸信會中學，嘩!了間學校個景係對海架!掂呀!又大又靚!採排完就回酒店休息，我係同雯雯一間房。
第二朝(18-9-04)晨咁早六點幾就起身，真係超唔夠訓啦!太累太累啦!落到去食早餐，都只係好快咁食左小小野，如果可以坐係度慢慢食就好了，因為都幾好多選擇，重有我好鐘意食既雞蛋。
我地會係澳門浸信會中學表現兩場敬拜+話劇。
我那組先表現第一場話劇，表現時D咪竟然冇聲，表現到風水那PART時，我將我知咪同肥O野換左，我拿左支冇聲既咪，家燕係後台示意我將支咪"LOOK"個去俾佢，"LOOK"個時，點知支咪去到中途轉左灣，我同家燕都無能為力去攞番支咪，家燕話唔緊要，我係度諗緊佢地可能一陣會有辦法拿番支咪俾我，時間不斷流逝既時候，到我演阿紅那PART時，佢地似終都冇俾番支咪我LOR，我就唯有用盡我最大既聲線講我O既對白，同做左一個佢地認為我係最得最好一次O既S動作(記得最初我做左一個笑到佢地死O既女剎手S動作，再到我表演時好彩是有進步過!)
再到呼招時，真係估唔到那個講員會咁樣呼招，"你地想唔想快樂，想快樂就信耶穌"、"中有冇人信耶穌，好散會"聽到D咁既呼招，真係完全"嘩然LOR"，咁都得!雖然第一場表現中，有好多不如意既事發生左，但我地冇因為咁而灰心LOR，係每個部份都作出補救，如同那個講員傾番(原來那個講員在頭先那場是第一次呼招)，所以在第二場呼招時，已有明顯O既改善同進步、第二場O既咪冇再出事。
呢兩場但同樣體會到有時如果我地都未預備好為神征戰，效果未必理想。縱然面對挫折，只要再接再勵，上下一心時，效果又真係好理想WOR!有時我地都唔好太睇重決志人數，或許我們只是做了一個撒種O既角色，好讓將來其他人去收剨。
澳門浸信會中學請我地食lunch，跟住我同shauna錯過了1:30回酒店既車，唯有坐2點幾那班la，返到酒店諗住做完MASK，練埋明天要表現o既魔術，就好好咁訓下覺啦，點知媚媚竟然係3:00，3:30打來，其實我對電話聲好敏感的，一有聲我就會即刻聽電話，所以我就不斷咁醒，之後佢同rebeca又黎埋我間房tim，完全訓唔到覺。可憐!
佢地同雯雯4點左右走曬，終於可以安心睡覺，睡到5:30，但睡得唔係好安穩，醒了後，完全冇一種曾經休息過O既感覺。
同shauna一齊行去白馬行，我地搵唔到，於是問人，後來係浸信會門口見到俊傑、勝、angel佢地，跟住我地一齊去食dinner同俊傑、勝、shauna一位枱食飯，俊傑真係一個好好o既無聊對手，我地一齊創作了一個淚水淹沒地球o既故事，事源因為有個人浪費食物，所以農夫伯伯知道了就唔開心，係度喊，跟住就演變成一場淚水災， 好似當年洪水淹沒地球一樣，D人死曬，勝話神講過唔會再用洪水消滅人類，我地話，呢次唔係洪水災，只是淚水災。諗真：我地都真係好幾無聊，勝同shauna一定滴汗啦!
夜晚係浸信會教會有一場敬拜+話劇，雖然今次決志o既人冇今朝第二場多，但聽番一陪談員o既分享，都覺得好感恩!因為神o既信息能落入一d人o既心中，相信神呢刻係搵緊佢，搵緊走失左o既羊。
回程返酒店時，買了麥當努o既雪糕新地，d價錢同HK差不多。
返到酒店重要練明天係建華社區服務中心o既布偶劇彩排，練到作2點幾，真係超累。
星期日(19-9-04)一早起身要趕去撘小巴去澳門堂10:00o既崇拜，又趕到連早餐都冇得食，只係求其(室)了d野落肚就算，如果我係去澳信會o既崇拜就好了，起碼唔駛趕，多一個鐘。
崇拜後，會合埋其他隊友一齊食lunch，食到1:30返番建華社區服務中心預備下午的兒童活動，好彩星期五臨離開園園，攞了一些可以扭o既汽球，好讓一陣魔術表演有禮物派，禮物對氣氛來說是很重要的。
好彩毎魔術表演都叫做ok順利咁完成，雖然有d位曾露了破綻(鬼叫自己練得唔夠)。以前學完魔術，從來沒想個真係會有一個機會係佈道上用得番，縱然當初佢地邀請我表演魔術，我係唔想，不斷叫佢地考慮下其他人(因為我唔係好想練)，後來因為其他學過魔術o既人都有其他崗位(咩飛)，所以結果由我負責，經過今次活動後，卻激起我再有決心去學番魔術，(估唔到每樣野神都係有預備的，稍後我會收到舊年魔術班o既邀請 – 04年12月25日係九龍堂下午佈道會一個魔術表演，神預算了咁好o既野俾我，我又點可以唔報，縱然都係擔心冇時間練，算啦!冇諗咁多了，煮到埋黎就食啦!)
建華社區服務中心活動結束後，我地去了天后像到等，等埋其它隊友一齊來，然後自油活動，我同SHAUNA跟俊傑佢地一齊坐巴士去大馬路到買手信，走時唔見左shauna，我就同KITTY、ANGEL坐的士去今晚食飯o既地方，打電話又找不到shauna，幾驚佢唔識黎當失路，但諗真佢咁大個人應該冇問題o既，只要有錢坐到的士就ok 架la!最後佢緊係黎到啦!
今晚晚餐係自助餐，d野食ok，但估唔到呢個自助餐係唔到有得refill d 食物，食曬就冇架la!
之係坐8:30船香港，呢個短宣行程終於完滿結束。
文章定位：
