車天車地 一個有好多回憶既地方!!!

106愛的鼓勵 0訂閱站台

7-9-04(二)今晚是第一晚返教育學院既課程，唔知會識到d咩同學呢?
一想到要返學，就已經感覺得自己將會好累，重要讀3年，每星期3晚，可以點頂呀?
呢個真係一個謎!

食完lunch，就係職員室由1點9到睡到2點幾，竟然烈以係自己既半個小時休息時間去睡覺，真係難得，非常難得，以往係常樂(我舊那間園)從未試過(除了SARS那斷時候)。以前係常樂LUNCH之後多野做到死，邊有時間休息，反而係呢間大園竟然有得休息，真係超乎想像，究竟係我冇乜野做，定係D野未到限期，再定係我自己唔識搵野做?不過最後既結論，都應該係呢間園雖然係大園(有126仔，11個老師，5個嬸同1個主任)，理論上應該有好多野做，但亦由於多人做野，所以D野分得好平衡，唔駛一個人攬曬D野上身，所以相對地較公平同埋做得不駛太辛苦。

諗落而家做區長，唔駛做班主任，小左同家長接觸(D家長唔會太著重幼兒既藝術發展，佢地會比較著重知識，讀書、寫字方面)，相對地我都冇乜面對家長既壓力，呢D環境的確幾適合我係夜晚讀書。

今日返8:45放5:15一放工就即刻坐2E巴士去大角咀返學(其實我唔知間學校既位置，亦都唔知應該係邊個巴士站下車，但我一D都唔驚WOR，因為我都幾鐘意去學習，當我由唔識去一個地方到自己識去一個地方，會有一種滿足感，不禁覺得自己掂呀，咁都俾我搵到)，接近6點鐘到下車，見到前面有個麥當奴既牌就去麥當奴食雞翼同薯條，跟住再去搵IED既位置。

當我去到IED座BUILDING，就要搵自己既上課課室，係大堂到，我連一D可以搵課室既資料都冇(因為我冇去到2/9既課程簡介日，所以完全唔知自己都邊班，課室亦都唔知係邊)，後來是但去到一層樓，見到有一部電腦就按下D資料，見到有我課程既編號，於是就去了果個班房，當點名簿傳到我那裏時，發現冇我個名，於是問隔來那個人，那個人SHOW了一份分班名紙給我看，我才知自已是14H1班，知道課室是那裏了，於是就走番去那個正確o既課室。

到番14H1的上課地點，認識了阿坐我隔來o既阿june，呢一班同學真係好有效率，一知道要做group project，係小息時，就即刻分組，佢地會搵相近地區o既同學一組，咁啱我住何文田，june住太子，大家都近，已預了一組，冇好似其他同學那樣，係班房到大叫地區名搵同伴，到落堂時，有同學問有冇人未有一組，我同阿june舉手，於是就同剩番冇組o既同學一組，佢地就係惠凌、angel同yammy。

睇落我班同學仔既年紀都好似俾我大好多wor!唔知有冇d主任、校長係入面呢?