車天車地 一個有好多回憶既地方!!!

106愛的鼓勵 0訂閱站台

5-4-04(一)在家睡到十二點幾，起身睇左昨天錄的紫雨風暴，有吳彥祖做架，睇睇下醒起自己都曾經睇過，不過就唔記得左個結局，下午開始係到唸緊個行動研究點打，真係想死，1號個日主任叫我由頭做個另一個頭目，大佬21號就present，17重要係open day，真係好慘。

3點幾做到5點幾都重係係到唸緊個開頭點打，打俾阿蒙求救，有d頭緒點打，想趕起係復活節前交，打到零晨2點先睡。

6-4-04(二)一早上慈雲山跟車，好鬼累，連con都唔戴，臨放工時個頭開始痛，回家馬上睡覺休息，睡到9點起身食飯，然後又做過，以往放工一睡，就會睡到第二朝，唔會起身，但今次例外。連phoebe都發現到我有呢個習慣，放假後返工既第一日個晚一睡不起。本想趕起明天交，俾一日時間主任改，星期四俾番我，等我係復活節裏面改，所以又打到2點，都未完成，明天努力吧!!

7-4-04(三)上慈雲山跟車，竟撞到阿勝，上堂時，係到影行動研究d相，放工時留係園做教具，做到7點同阿蒙一齊走。回家又打行動研究，終於完工不過都係2點先睡。

8-4-04(四)行去旺角拾車上慈雲山跟車時，唸起自己好似冇將行動研究隻floppy放入袋，一直係到搵，但時間緊迫，我一定唔夠時間回家取，打返屋企問阿媽睇係隻係咪真係重係電腦到，竟然係，好鬼唔咁心呀，挨左幾晚夜去打呢份野，竟然冇帶，好彩找有一個好好既阿媽，同非常好彩地阿媽又係今日放假，佢肯拿隻碟去我間園到俾我，所以今日有得交。YEAH!!!

放工後留係到做打open day 小組室佈置既野，6點半走，行巴富街去旺角坐巴士過銅鑼灣時代廣場會合judy 一齊上shisedio關於pureness既course，見到有部113係紅燈前就埋站，加上113既前面都有巴士，咪跑去追巴士lor，好彩個司機見到我跑緊，等我上埋車先開車。同judy遲左2至3個字先去到。都算遲得小。後來係個course重見到一個以前既同事-阿李(冇認錯人掛)，跟住我同judy都有舉手答問題，得到禮品一份，佢派三份，我同jdy都一齊有禮品，真開心。個course由7點到9點半，係搵鋪頭食dinner前，見到CD鋪，咪行入行睇下有冇煙花燙這CD，擔心我明天可能不出街，六日上大陸，怕冇機會買cd，好彩入到去有得買，之後同judy一齊食dinner，然後回家。回到家沖埋涼，睇埋d電視劇，又2點先睡，真係累。

9-4--04(五)終於有假放，訓覺最開心一件事，就係不駛較鬥鐘，除得自己鐘意睡到幾時起身先起身，有幸今日可以咁樣做，12點幾起身，睇番上星五錄既娛樂大搜查，播哥哥4月1日d歌迷係文華酒店門口悼念既情況，及晚上再播既一個叫永遠鐘情-張國榮，內容有哥哥生前既表現、MTV、同埋粵劇片斷，哥哥真係'正'好'正'，跟住聽煙花燙這隻碟，之後個下午心情都有d唔知點咁，覺得佢唔係度好可惜，冇乜心機，冇乜心情，係到唸緊佢。

跟住一路聽歌一路打番open day的文件(問題部份既問題)

飯後一路睇電視一路打番呢兩個星期既日記