車天車地 一個有好多回憶既地方!!!

106愛的鼓勵 0訂閱站台

26-9-08(五)好彩同細梁調左班，返9放6，其實自己勁衰，明明返學返6:00都走去調尾班，因為呢個Miss好人，遲到都冇咩事，我放6點，如果我好彩的話，可以6:45返到IED，都係遲3個字啫，跟住8:00放Break，9:10放學，所以遲返學，感覺時間會過得快d!

5點幾時收到Dranell電話話夜晚食飯，都好即興wor!我叫埋焯賢一齊食，因為佢都住得近大角咀。

放9:05，9:30前己行到去大角咀麥當勞，等Dranell來到，再call焯賢時，原來佢一早入左去麥當勞坐，好彩call下佢啫，如果唔係會係門口白等。

去左食車品品，一間都幾貴o既車仔麵，但環境比神廚館好，八起撈幾好味，什錦車仔麵入面o既蘿蔔係咁，我食左精竹炭丸，黑蚊蚊，食完都唔知粒野入面係咩， 糖心皮蛋好味，碗仔翅都幾夠料，落埋辣菜圃就好夠味!甜品係雪糕光酥，個光酥幾好味!因為個甜品遲左好耐先來，所以佢送多個甜品俾我地食。

後來老皮娘同低埋同我地一齊吹水，跟住12點1先走，同焯賢一齊行番出開旺角，跟住我再行番,屋企12:50歸家。食完野又行番咁耐，應該扯平番掛!

沖埋涼洗埋頭，2:30瞓。

PS呢個圖工係曾漢聶整，雖然不是全部環保物料，但都幾靚，棵樹幾得意，個盒外面有得控制條動物棒，所以D動物可以左右移動。

27-9-08(六)7:30起身，8:10出門口，行去紅磡火車站入大埔，9:00去到275巴士站等車入ied，等左成3個字先開車，跟住9:30就落車。

入去上堂，都有釣一條小魚，10:30放break，10:40再小組上堂，導師帶我地上試上一堂「比比和朋友」課堂，班中有一個男仔，佢係我入行咁耐，第二個見o既男幼稚園老師。

12:10落堂食飯，由於我唔識人，又唔駛等人，所以一落堂即閃，去到飯堂食大會提供o既自助午餐，呢句「執輸行頭，慘過敗家」係真架!好彩我行得快，可以攞野先，行得慢o既人去到竟然係冇曬野食，後來再上堂時，導師都話呢個午餐安排得得唔好。

食完野，飲埋杯奶茶，去電腦室上網，玩到1:10，也番去上堂了。呢堂就掉左條大魚，去到2:30時，去下廁所，跟住又撞到媚媚，然後我覆埋d miss call3:00先入番去繼續上堂。3:10又放break，今次大會又提供tea，我坐得近出口，又好快手咁出到去攞tea，之後又排長龍了，到3:30上另一個小組課堂時，d人都未攞到野食，佢地真係慘!

上到5:00落堂，275巴士已企滿人，我照上車，反正我企係巴士係企，企係到時巴士都係企，不如早d坐番車出去吧!

上到巴士見有2個小學老師(從佢地講番「比比和朋友」課程o既內容和對話得知)竟然將d「比比和朋友」教材放係個位到，我當然行上前請佢地攞開d野讓個位出來啦!真係搞錯，成車人企緊，佢地都唔攞開d野，咁搞笑係d企緊o既人又唔主動行過去坐，咁就益左我了。

跟住轉火車，諗住係旺角落車，再坐46小巴去搵阿蒙，但我掛住打機坐過龍，去到紅磡，而阿蒙同d同學傾功課又未做，我晨做上到佢屋企又冇野做，放且我攞住一大袋「比比和朋友」教材，又點會有心機行MEXX BOX，於是我選擇回家了。6:10係小巴站等車，當中走左2架巴士，我同自己講有來，我一定上，頭先6:30有第二架巴士來，我都唔上係因為唔憤氣，但我肯向現實低頭，有第3架巴士時，就一定上，好彩竟然等左35分鐘，終於有架小巴埋站，又剛剛好有4個位，我可以上車了。第一句說話係「感謝主」。其實我等左咁鬼耐車都冇負面怨言，難怪我個人成日都咁開心。又好彩父俾我係巿區ied讀書，萬一當初我真係入了大埔ied讀的話，我肯定會累死。

太累太累了，連無線播緊套「明日之後」，爭半小時先做完，我都冇睇，11:00去了瞓覺。2:30阿媽閂冷氣，我又醒一醒，出廳熄番個電腦，跟住又瞓過。