車天車地 一個有好多回憶既地方!!!

106愛的鼓勵 0訂閱站台

16-3-04(二)10點幾，judy覆診完call me，她來了我家，我同佢一齊睇相，傾下計，跟住我又整吉士餅俾佢食，佢都話好食架，之後我地出麗斯食午餐，只係$23有湯、有主菜同野飲，都幾抵。

之後去銀行搞張提款咭，好多個戶口入去。jduy約左爸爸3點，走先。

回到家後，又來一個午睡，起身後等食飯。今晚連昨天，終於寫了4月既教案(係呢個大假入面，最有成就既一件事)2點幾3點訓。

17-3-04(三)本來打算同judy上山頂，我12點起身就打俾佢，佢一直到點幾先起身覆我，因為佢11點幾打過俾我，但我未起身，跟住佢又訓番，最後我地決定2點半係中環MTR等，我一落樓已有微雨，我都'油'佢，費事上樓取'遮'以免遲到，行去佐敦MTR途中，d雨越落越大，去到地鐵站先收到judy電話話佢重係牛頭角，同埋落雨，由我決定去唔去，因為個大假係我，算啦!我見落雨，上到去個景都未必話好，所以去了太古行街，後來去pacific coffee 嘆茶，如果我地係d闊太係到嘆茶就更好!!

晚餐同表妹去了銅鑼灣和民食野當同佢慶祝生日，跟住去了世貿打機，玩打鼓機，點知返到屋企，發現隻右手食指起了水泡，可能剛才捉住支鼓棒太實，攪到燙傷。
又成2點幾3點訓

18-3-04(四)12點幾1點起身，渾渾惡惡咁過了一個下午，晚上同apple去了睇戲(見鬼2)都唔係好恐怖，有d位都幾好笑。睇戲前去左鬍鬚伯伯到食野，跟住睇10點場。

19-3-04(五)本來話同mandy一齊游水，但係去唔成，點幾起身，食d野後，坐2點8班免費巴士去黃埔(今日同昨晚都好好彩，等一陣就有免費車)，幫kathy去做d野，做到4點幾，行左一陣黃埔，重行左去california問月費，竟要成$395，真係好貴。之後坐6A去左敦會合phoebe一齊行去海運睇base，我冇買到野，接著我請phoebe食台灣牛肉麵，都ok，有d餸平有d餸貴，then phoebe請我去糖朝食糖水都好好味!跟住我地行了去諾士佛臺，個到個環境同feel都好'正'。

20-3-04(六)本同表妹去唱k，但冇去，11點3起身出銀行入左張check，11點9回家再訓過，點幾起身睇亞視既富貴再迫人，但我想睇富貴迫人多d，但上星期播了，今日團契5點先開始，個下午好似多左好多時間用，好正，返團契合團，準時完，幾好，晚上同phoebe、浩堅、雯雯食台灣野，好悶....then上教協，我又冇買野，跟住回家，11點幾同phoebe傾電話，跟住入埋apple，傾到成點幾，我又睇錄影帶同全職臘人，成3點半先睡。

21-3-04(日)冇返崇拜同開團契議會，因為好累，訓到成2點幾，因judy打來才醒，食完野，下午一邊填評估表，一邊聽歌，不一會媽媽回來，跟住又冇mood做野，係到玩icq等食飯、打日記。

我真係覺得呢個假期好悶，雖然有好多野想做，但全都有mood做，我既娛樂就係不斷睡覺，將d睡覺時間顛倒曬，但明天就返工啦，都好既，有排忙、有排做，咁樣d時間會充實d。