「森」情小品文 ...

323愛的鼓勵 505訂閱站台

今日的事有如昨天的事，啱啱先踏入新曆2017，話咁快就嚟到農曆新年…已經休blog好幾個月，但都唔覺得太耐喎，可能有啲Blog友仔間中嚟探吓老人家啦…都要好「行」咁問吓大家有冇掛住森伯伯呀…應該問唔知大家仲記唔記得有個森伯伯的老人家呢?!!!哈哈哈

在休blog期間，的確可以騰出時間做多一點，以前聽人講創作的路係孤單嘅，原來呢句說話的確係真嘅！你唔會知呢條路能否行得通，一切的事都要靠自己去摸索，就算知道唔可以，都要想盡辦法做到自己認為滿意…每個人只係著眼於創作者面前的成果，而忽略創作者背後的付出…

或者新一年的開始，都繼續畀自己有啲人生目標，雖然離目標嘅路感覺漫長，但係有句說話叫「水到渠成」好多事都唔需要刻意去費煞思量，自然地就會知點樣行，點樣做～反而咁就唔覺得路途遙遠…

至於今年除咗希望自己老而彌堅之外…哈哈哈！仲可以充充實實地過森活啦～

值得高興的是今年仲收到舊blog友的賀年咭，以及一返工就有人畀封利利是是，很多東西都係意義大於一切，我都祝願他們雞年事事如意！！

平時睇煙花都話有圖案形煙花，但睇嚟睇去都唔覺，始終要憑自己少少想像，但估唔到今年沙咀道球場花市旁的小小燈飾，又畀我見到清清楚楚的銅錢圖案喎…而且都算幾浪漫蒂克（可能掛到元宵兼情人節）～哈哈哈

本來諗住畫隻森雞賀一賀雞年，可是要用點時間，但係摺啲小森雞就簡單得多，在此祝大家今年勝舊年…今年做嘢爽爽快；唔駛偷雞詐詐諦！！

p.s.暫時以不定期形式出Blog吧！