24h購物| | PChome| 登入
2016-10-12 17:10:41| 人氣801| 回應6 | 上一篇 | 下一篇

滿足感…

推薦 1 收藏 0 轉貼0 訂閱站台

有時無論做什麼事情或者工作，最怕就係遇上樽頸位，往往唔上唔落！無論做人做事當然唔可能事事順暢…當一個人漸漸年長就會看得通；睇得透，呢啲就叫做人生閱歷嘞！一向都好慶幸，間中可在工作上畫吓插圖，以前年少時對畫插圖都有一份憧憬一番宏願，相信現今新一代的插圖員都或會有這個想法，不過現在可以展示自己作品的渠道多了，唔止侷限於紙張上的刊登出版…如果睇開森Blog都知森伯唔係咩主動型、進取型的人，係極極極度被動型的人！哈哈哈～好多時時間就係浪費在守候機會上，仲要加埋信心唔夠，時時都覺得遲啲畫好些再出擊…反觀現今的年青人唔理三七廿一做咗先算，咁有衝勁！！

平時工作都有機會畫唔同的插圖，今次可要幫一間醫院畫些感謝卡，最主要係病人或病人家屬感謝醫護人員之類…也是工作的一部份，冇額外稿費，有時做一樣有興趣的工作，意義大於一切，記得小時都住過唔少次醫院，所以對醫院都有幾深感受，有時都會諗可以為醫院畫些東西都唔錯，因為現在醫院裡都有些畫廊放些唔同人的畫作，目的畀病人看畫嚟調劑一吓身心！估唔到今次有呢個小小畫插畫的機會…

現在的人好講「得」與「失」，所謂的「得」多數指物質上，老實講畫插圖咁耐暫時所得到的物質就冇乜，反而非物質的「得」就有…記得有幾次遠方有客人來訪，見到我的名字馬上記得我所畫的專欄，森諗：因為插圖才知森伯係乜水咋…哈哈哈！可能對大家嚟講只是小意思，但對森伯嚟講已經很有滿足感…

俗語有話時間唔等人，無論在工在私插畫工作都有個新方向，森伯個老人家都要向自己挑戰，都唔理前面的路如何，行咗先算…所以日後要將更多的時間集中在呢方面…

我要檢舉
#插畫#滿足感#畫作#新方向
台長： 森源

您可能對以下文章有興趣

人氣(801) | 回應(6)| 推薦 (1)| 收藏 (0)
全站分類: 心情日記(隨筆、日記、心情手札)

我要回應
stella luk
好想分享你的感謝咭呀！
2016-10-12 22:18:38
版主回應
通常呢類插圖都有版權…
平時睇開森Blog都已經有插圖分享…我都好想Stella畀吓意見~~
2016-10-13 09:07:47
ka ka
那些感謝卡係咪全港的醫院也有的，還是只有某區醫院先有呀？（下次去探病留意下先！）
希望森兄在插畫方面更上一層樓！
努力加油呀！森兄！:D
2016-10-12 22:47:10
版主回應
冇咁勁全港醫院…上面內容都有提及只是一間醫院，現階段只係畫了插圖，怎樣形式索取印制我唔清楚，先多謝KaKa的支持和鼓勵！！

我都希望可以更上一層樓～～
2016-10-13 09:09:06
搞一爺
好多人係工作同興趣分割開，工作係為咗賺錢生活養家，興趣係工餘休閑調劑生活開心吓，減壓放鬆。有部份工作係同興趣有關算好幸運架。

好似鄭俊弘喺無記堅持咗十年都冇人知道佢係乜水，有血有淚，直至一個為藝人搞嘅歌唱比賽至家傳户曉，好多人都等緊一個機會。森伯繼續奮鬥，唔好放棄，做下一個動畫大師許誠毅衝出香港殺入荷李活（美國）。

啲咭放喺邊度架，下次去開醫院等我探吓森伯傑作。
2016-10-13 07:24:36
版主回應
一朝早醒一醒神，完全感受到一爺的神級回應…

講得好啱，好多人工作還工作，興趣還興趣，若然兩者可以奏在一起已經好好…不過興趣始終唔可以當飯食~~哈哈！就算係兼職搵外快都已經心滿意足嘞…
鄭俊弘的故事都係典型的奮鬥不放棄故事，畀到好多人一個啟迪！人哋幸運得多，在大台成名好多人都識……

以前都有諗過去學電腦動畫，不過要學得精投放時間都唔少～呢類課程報讀多數為學生哥／年青人，但一把年紀，上晝返工夜晚返學…叫森伯畀埋條老命佢就差唔多XXD已經冇諗…

森伯繼續奮鬥，唔好放棄…….憑一爺口所出，特別啱聽～相信好多Blog友都未聽過你嘅鼓勵說話！！好～我會繼續努力畀森機！！

暫時只是畫了插畫，怎樣形式索取我唔清楚…先多謝你的支持～
2016-10-13 09:38:09
基爾
咁森兄要主動啲啦,機會話來就來^^
通常作品用真名定筆名?希望第時行街都會有機會欣賞到森作品
2016-10-13 13:44:53
版主回應
多謝gael兄的提點，所以嚟緊會用些時間積極啲～
作品通常用真名…行街睇到作品已經好勁架嘞…我都希望有咁嘅一日!!
2016-10-13 16:20:31
ka ka
今次雖然只幫一間醫院畫些感謝片，如果反應良好，話唔定全港醫院都會採用你畫的感謝片架！(因為而家啲公立醫院是聯網的！)
2016-10-14 14:54:42
版主回應
望就咁望，不過都冇想得如此理想！總之都算係有意義嘅job…

以前份工幫過更多機構畫刊物插圖，當畫慣了就不當一回事，只是工作的一部分而已…
2016-10-15 00:06:11
Boss
道路段段美好縱是血與汗營造.....我要闖出新績要用實力做旗號

https://youtu.be/-ECL5xWCF-E
2016-10-26 23:21:07
版主回應
多謝你的歌，十分喜歡有勵志性的歌！失落時候會拿來聽聽，鼓勵番自己…
2016-10-27 09:42:27
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文