24h購物| | PChome| 登入
2016-06-24 09:13:58| 人氣1,269| 回應6 | 上一篇 | 下一篇

小執變大執…

推薦 0 收藏 0 轉貼0 訂閱站台

有時都會不發其想，究竟有冇一樣東西可以永久新淨，免卻很多維修的煩惱…早前先講過部新MP3腎腎地，呢個當然係小事啦！跟住個固網電話又有問題，要師傅上嚟睇咗兩次先OK～至於今云就係天花的灰水層剝落問題，搞到走廊位置有個平洞，照常理諗用番灰水油吓未得囉…當然冇咁簡單，因為剝落面係厚厚一層…呢啲維修一定要搵師傅！其實要搵泥水師傅做呢類小工程都唔容易，呢度唔詳細解說經過…

據師傅所講，上層樓可能有水氣，潮濕搞到我家的天花有粉剝落的情形，之前個廁所頂蓋就係因潮濕要重新換過，真係好懷疑上層唔知係咪開泳池…哈哈哈！至於嗰次維修費當然由上層負責…

唔好以為整一小撻好easy，一整就整成個天花，忽然又變咗大工程…剷好後天花灰灰一片，而且灰塵飛揚…呢排又係勁熱的時候，冇風扇冇冷氣都幾焗架！不過可以避入房…

至於晚飯又點解決呢？！唯有去就近茶餐廳，最好就係叫個飯又可以叫埋杯嘢飲，紅豆冰好耐冇飲過，今次可以借啲二飲吓…哈哈

當然唔會日日去，有時簡單的煮碗飯就屈入房食，都幾有籠屋阿伯felt架！XXD

始終人哋的架生都唔少，見到水泥都要幾包（相中只係部份…森諗間鐵皮屋有咁大咩??!!）
裝修少不免有油漆味，的確整的時候好大味，反而油到最後冇乜味！
辛苦幾日換來煥然一新的感覺都唔錯喎！

我要檢舉
#裝修#天花板#煥然一新#工程
台長： 森源

您可能對以下文章有興趣

人氣(1,269) | 回應(6)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
搞一爺
人生係不斷除舊迎新架啦！上個月十四歲大嘅雪櫃釘咗，裏面嘅珍藏超過一半要扔落垃圾桶，十幾年一遇嘅大浪費都無可避免，折騰咗幾日至回到現代社會，新嘅變頻慳電好多、靜好多，蔬菜保鮮度好過以前，雖然轉換過程有痛苦，先苦後甜會更甜架，隔一排更新下都唔錯。

不過，打電話畀收賣佬回收舊雪櫃，佢問我係乜野顏色，答咗係白色就話唔收，我都打咗個突，只要銀色雪櫃，等我仲諗住有人免費搬走兼有幾拾蚊回贈，好在櫃底有2個轆，推去屋苑內嘅大件垃圾位都容易當做減肥運動啦！

去冰室我都鍾意點紅豆冰架，依家都好少食。
2016-06-24 11:01:32
版主回應
我覺得掉電器都冇家居維修咁麻煩，因為都幾影響生活，尤其上週好熱…應該話全廳電器都冇得用～電視可以唔睇，但風扇都唔用得！當時只有一把大風扇用來吹乾啲油漆…至於大型電器好多時送貨工人送新來，畀些少錢他們會處理舊的…乜白色唔回收?!!乜唔係白色仲好咩?!!所以一買大型電器，寧願揀牌子貴些少，希望佢的品質有啲保証，好怕又要換又要搞一爺, 唔係係搞一餐…XXD

紅豆冰因有椰奶味…等如去茶樓一定整碟椰汁糕仔一樣~~~~~

呢一句：人生係不斷除舊迎新架啦！講得好有道理~~~~~
2016-06-24 11:34:33
Gael
睇落真係幾大工程喎,駛唔駛做一個月?
今次費用係咪又係樓上畀呢?
btw,森兄個樣都算keep得好新淨呢XXXXD
不過唔好飲咁多紅豆冰,好高卡....
2016-06-24 11:42:19
版主回應
只係好幾日工程啫~~上面都有寫！！因為師傅好熟手快手~~
唔係…因表面上唔係有滲水或滴水～只是估計佢是水氣造成…
都估你哋以為個題目係講，森伯個樣…小執變大執…哈哈
當然唔會時時食～好間唔中先叫杯飲吓…
2016-06-24 12:35:57
KaKa
你樓上既鄰居都算負責任架喇！
我有個friend屋企廁所頂又喺漏水，
但call晒管理處、有關部門等等，樓上鄰居都是不負責！
你果碟喺粟米乜飯呀？
粟米斑塊都好正！
2016-06-24 12:38:44
版主回應
正如你所講call晒管理處，有關負責人跟他們聯絡，應該走唔甩…哈哈！所以佢地肯負責～～咁你個friend的鄰居都幾撒賴…聽聞話若果証實係樓上的滴水問題，可以向政府有關部門採取法律行動…

我碟飯應該係粟米茄子飯…搵勻全個餐牌，呢個較合我～冇斑塊咁好……
2016-06-27 09:22:05
ykk
維修完畢, 天花變龍鳳, 安居樂業, BTW, 碟飯唔見到隻雞骴.
2016-06-24 17:00:13
版主回應
哈哈...邊得嚟變龍鳳～只是變回白雪雪的天花啫！

隻雞髀都唔知係咪拔飯位姐姐收起咗～XD
2016-06-27 09:22:55
stella luk
睇見呢的問題，我都凳你頭痕！
2016-06-24 20:32:55
版主回應
總之一話要維修，就感到頭都大埋～～
2016-06-27 09:23:09
man-man
如果森伯要執，要唔要去韓國走番轉呢？
2016-06-25 22:50:25
版主回應
梗係唔會啦！執極都係醜架啦…無謂嘥錢，要留嚟養老…><
2016-06-27 09:23:40
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文