24h購物| | PChome| 登入
2016-04-26 15:28:10| 人氣899| 回應8 | 上一篇 | 下一篇

SOS求生包…

推薦 0 收藏 0 轉貼0 訂閱站台

平時上PChome除了巡視吓個Blog之外，佢仲有好多資訊睇，由其一啲健康資訊，當中可以知多點點仲學到嘢～而有次就睇到一個求生包的廣告，其實一個求生包又有幾多人會知是否需要呢？可能港人對災難的意識很薄弱，因為感覺上好安穩！反而最擔心唔係求生包係個荷包啫～XXD好少會諗到天災人禍！！曾經認識一個人，佢屋企就會時時放一條大麻繩，佢話萬一有咩事都可以爬窗走人…住得低或者獨立屋都還可以，若然住高樓大廈，就真係躂瓜都未天光…不過都好，起碼有危機感！

至於求生包裡面有乜東東呢？

唔好睇小少少工具，分分鐘小兵立大功…哈哈哈


諗起呢個老虎鉗，就聯想起瑞士軍刀…工具差唔多，但軍刀個名型好多！！都想過買把瑞士軍刀，或者類似都得嘅…


雖然把線鋸好似兩個扣仔，在圖片見到可以用來鋸木！


如果森伯有日流落荒島，呢個小小求生包應該可以頂到幾日等人救…

至於求生包有冇需要真係見仁見智，平時好少諗突然有咩事要走佬，最多會不發其想若果有突發事情來到，會有什麼東西要帶走？！仲有冇人記得逃生三寶係乜呢？！若果畀森伯就唯有撳個平安鐘咋！……><

我要檢舉
台長： 森源

您可能對以下文章有興趣

人氣(899) | 回應(8)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
Gael
第一時間想起哨子和軍刀都有用,點火棒係咪同打火機差不多?
線鋸完全唔知係乜?
2016-04-26 16:35:23
版主回應
點火棒等如打火機,靠磨擦撞擊生火,唔需要氣油而且攜帶方便!!
線鋸的扣是扣在手指的,拉直就可以當鋸把木材鋸開,可惜呢度不能在回覆貼圖,一看你就會明~~
2016-04-26 17:15:26
搞一爺
我用到呢盒嘢嘅機會等於美國發生911一樣咁微。
香港太安穩，冇呢方面嘅危機感。
2016-04-26 18:30:06
版主回應
所以咪話港人缺乏危機感囉~~到真正有大件事發生,都唔知帶得咩重要嘢走,仲邊會諗住個sos盒仔~~哈哈哈,但我都會諗吓發生事,有邊幾樣重要嘢要拎走...
2016-04-27 08:46:12
搞一爺
香港唔會地震，最多係火災、山泥傾瀉、洪水急流、塌樹，應變有不同

1. 命仔最緊要，帶一家大細完完整整離開囉。
2. 如有時間要帶銀包、鎖匙包走，帶太多嘢會契弟走得摩。即係森仔唔好帶床底下果百両金走，一定走唔甩啦！臨死前，真係要錢財係身外物。

走火警要帶備濕毛巾、濕氈。

其它重要文件、証書等嘅，平時可影低放上電郵，日後補辦會易啲。
2016-04-27 10:33:23
版主回應
香港最大的自然災害唔多，相信火警比較會發生，所以到有咩事第一時間就諗自救，同埋家中的人或寵物等～

森伯又冇你個床下底咁大，成個金庫咁…而家港人住的地方狹小仲邊會放咁多貴重物件在家中呢！好多時都放在保險箱啦～我通常最重要的東西會放在同一櫃裡，若然要走難都唔需要周圍搵，摷一個櫃桶就得！

你講的辦法都幾好，影低證書放上電郵，我多數畫作相片會咁做，不過要摷返個電郵都有排摷…哈哈
2016-04-27 14:08:23
ykk
其實, 香港冇乜大的天災, 只有人禍! 相信救生包作用不大.
相信買救生包, 先救生生產商.
2016-04-27 15:07:18
版主回應
雖然一個救生包唔算太貴，折合港幣都係百元左右，相信香港好少用得著…但PChome是台灣，他們可能怕有地震需要買個看門口！
冇需要時覺得無謂，一旦需要時可能會好有用…
2016-04-27 16:02:07
ykk
屋企無啦啦預備大麻繩,十分不智. 如遇盜賊, 咪捉蟲!!!
再遇啱家人有問題, 隨時上吊, 要小森考慮!
2016-04-27 15:14:07
版主回應
哈哈…咁盜賊又未必知條大麻繩放在邊鼠！
屋企仲有很多家品好危險，例如菜刀、鏹水、刀片…統統未必避免到，家人有問題唯有盡量同佢分憂吓～
2016-04-27 16:02:55
搞一爺
電郵都可以分類放喺不同嘅folder好易摷啫。
2016-04-27 22:04:44
版主回應
我又未試過咁做, 日後真係要慢慢研究吓點用…
2016-04-28 09:02:30
stella luk
香港人冇乜危機感，皆因香香是安全城市，我很感恩。
反而我會聽政府勸告，避免擠在人多擠迫的地方！
2016-04-28 08:22:28
版主回應
同意~~唔怪得香港被譽為福地啦!!但居安都要思危嘅…
至於我無端端好少去人多的地方, 六根清靜之地就啱森伯~~~XXXD
2016-04-28 09:03:26
man-man
著草就要記得帶錢就真。哈哈.....
2016-04-28 13:37:01
版主回應
仲要帶埋身份証呢!!入住暫時收容所都要登記ka~~~~XXXXD
2016-04-28 14:22:42
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文