「森」情小品文 ...

323愛的鼓勵 505訂閱站台

有幾奇（一）～

原來以前的曆法，到今時今日可能未必合用，早幾日原來係立冬，通常一見到個「立」字就意識到已經踏入某個季節，可是呢幾日都仲好熱！昨日見到新聞話，如果將來氣溫增高4度，香港可能會陸沉被水淹沒…森伯老人家食鹽多過大家食米，哈哈哈！感覺天氣一年比一年遲凍，遲早陸沉有幾奇呢～本來都想購置吓秋冬裝，可能都要有排等咯…因為可能而家仲賣緊夏季衫～

有幾奇（二）～

其實唔好話時下的中學生，現今好多成年人寫中文都係錯別字多，唔否認有時都會執筆忘字，求其寫個同音字就算！所以寫字之前都最好經吓個大腦先，唔駛畀人笑，當中都有列出一些例子，雖然話就話中學生，就算連學生們的父母親，有些老師（除非中文老師就會執正少少），間中都會寫錯別字！好多人都認為他們睇得「食」字多，尤其是廣告！始終中文根底打得不足，又受外界食字所累，錯吓別字都在所難免…有幾出奇呢？！

有幾奇（三）～

有日在某個商場內，見到有樣幾奇趣的東西，本來都唔知係乜東東，既似玩具但係又有一個實質的用途，當知道後，就會…好笑之餘仲好佩服商家的生意頭腦！

……………………………………………………………………

呢個舖本身係買兒童衣覆用品，初時以為呢件東西係一個玩具，再看看個牌原來寫住兒童的尿尿企兜，但又唔見有去水管之類，相信是全人手清潔模式，至於奇就奇在有冇家長會買呢？！除非貪得意，否則都幾多餘…若果有養狗仔都可以當寵物廁所用都OK～

森伯時不時都有奇想，通常呢種企兜只有在公用廁所才見到，但又有冇人會裝一個在屋企！…話時話，其實都幾方便架！like嘅！！之不過除非個design好有品味，否則會令人望落似似哋公廁……哈哈哈

很多Blog友都已經答中，平時森伯好少留意小朋友用品，所以每樣新奇事物都會大驚小怪…XXD