「森」情小品文 ...

323愛的鼓勵 505訂閱站台

呢排的氣溫真係熱咗好多，都六月份喇！初夏時節都應該熱，個人未到夏天都已經感到懶洋洋，之不過懶還懶，要做的事都要做啦！趁將轉季，又要執執天熱衫的時候，順便執執個房！其實咩時候都想執企埋一些，但奈何雜件東西太多，執嚟執去都係亂糟糟…早排連場大雨，所以屋內容易悶侷潮濕，又見幾多小昆蟲蠕在牆上，唔知關唔關住近山林邊的原因？！剩係抹牆都抹了成個下晝，更何況老人家勞動完又要休息抖抖呢！XXD當抹牆的時候，突發其想地想將所有牆都改為瓷磚，既美觀又打理方便…因為發覺幅牆越抹越污糟，好在有人介紹一隻除霉清潔劑可以幫到手，咁就一於買來試試…

夏季一到生氣盎然，唔單止小昆蟲蠢蠢欲動，就算連河裡的小蛙都要晒一晒日光浴，所以如果畫荷花荷葉，則邊總有隻小蛙作為陪襯…顯得畫作更加生動活潑～

香港所講的青蛙，其實好少係青綠色的蛙，多數係灰褐色的蛙（港稱：田雞），不過原來蛙類都有很多色彩，而且色彩越鮮艷的蛙類就越毒，身型仲好小巧玲瓏，一唔為意當小寵物，咁就C得嘞！！仲記得細個時，金魚舖有蝌蚪賣，相信現在都好難搵到，金魚街都唔多見，反而有大大地的蛙賣，不過唔係當寵物養，係多數供學生做實驗，相信做解剖的多～～～～

畫作為藍色毒箭蛙，點解唔齋叫毒蛙呢？！因為蠻荒野地仲有土人把毒箭蛙身上的毒液搽在箭上去狩獵！！

哈哈，如果幅畫有咩唔順眼的地方，都可以畀啲意見森伯架喎！