24h購物| | PChome| 登入
2014-02-11 14:29:17| 人氣717| 回應14 | 上一篇 | 下一篇

凍到入森…

推薦 0 收藏 0 轉貼0 訂閱站台

清早時份要開始動身，昨晚已經感到寒意陣陣，都知今早會好凍，殊不知今早房間的溫度已降到9℃，今早聽人講荃灣只有5℃…其實好多亞洲地區都有霜寒，國內好多省市已經發出嚴寒警告，而且有些省市仲有雨雪…雖然唔知係乜，聽個名稱都知濕濕凍凍，可能森伯老人家啦！昨晚關節已經痛痛地，凍加上濕氣重一定出事，睡眠質素梗會有影響！…

早前的美國，跟住仲有日本都有大風大雪…感覺香港已經好好，亞熱帶地方凍極都有個譜！有時都會諗下如果自己身在這些地區，又會點？！我諗第一出外買食物都成問題，第二根本唔駛返工，就算有車都冇用，太大雪車開唔到而且會跣軚！第三電力供應可能不足會全屋冇電，唔好話上網睇電視，就連最基本的用電水煲煲水都唔得！…活做一個雪中宅男XXD…我諗當地的人會好似我們以前打風的日子，買定好多罐頭看門口！不過打風一兩日，但嚴寒天氣起碼都成個禮拜，甚至成個月…

最近睇索契的冬奧會，感覺氣氛都差唔多一樣咁凍！！所以都冇乜留意～～除咗呢個時候怕風濕骨痛、晨咁早起身之外！！相信最怕都係要洗白白，記得細個只會洗面同洗腳，仲記得凍凍地的時候，腳浸在溫熱的水中，都幾舒服！！就算而家若然太凍都唔會沖涼…唔知咁講，會唔會破壞森伯個形像架呢？！XXD
當冇講過！XXXD

我要檢舉
#寒冷#大風大雪#霜凍#冬奧會#沖涼#風濕骨痛
台長： 森源

您可能對以下文章有興趣

人氣(717) | 回應(14)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
Stella
係呢！細個果陣幾日沖一次涼咋！晚上一盆大熱水洗面洗腳咋！
2014-02-11 15:04:55
版主回應
可能大人怕細路仔冷親, 所以寧願畀佢地洗下面腳就算……
2014-02-12 08:55:16
man-man
記得細個時冬天都係好凍，返學對脚凍到硬，回家時要煲水浸脚先有知覺咋。
我都好怕凍，好彩星期六開始回暖。
2014-02-11 15:06:30
版主回應
如果週末回返少少暖都好, 起碼唔太凍~~今早已經唔想起身!!哈哈
係呀!! 浸腳都幾舒服, 尤其在凍天時, 浸完對腳暖笠笠…
2014-02-12 08:55:51
呀博
森兄
叫 熊熊烈火過黎 關節都好好多架 ,真是暖到入森!
2014-02-11 19:11:57
版主回應
熊熊烈火……會唔會搞到森伯變燒豬架!!!
屋企有部新款暖風機, 已經好好多~~
2014-02-12 08:56:35
ohtria
跌軚,冇電..早有準備o既國家係唔會發生架.
2014-02-12 06:37:03
版主回應
跣軚停電…唔係森伯作架!!!早前美國因太凍太多人用電而負荷唔到…
就因為有雪而跣軚, 造成很多傷亡都時有所聞…
2014-02-12 09:16:48
搞一爺
以前嘅愛斯基摩人一生都係祇冲涼3次，分別係出生、結婚同過生，冲凉真係會凍C人，冬天時嘅低温症同流感都會在冲凉時遇到，老人、細路仔同長期性病患者都要小心喺冬天冲凉時染病。其實，油脂分泌少同出汗少都係叫人唔駛喺冬天咁勤去洗身，依家有浴室寶放暖氣，而花樣百出嘅潤膚膏先至日日冲凉都無問題。我細個時住7層公屋，係用公共浴室所以冬天時都係洗面腳唔冲凉架。
2014-02-12 06:57:20
版主回應
都聽過…有些寒冷地區或者住山區的人, 平時都唔夠水, 佢地的水源好珍貴, 所以平時唔會浪費水沖涼, 凍的地方一般都較乾燥, 所以唔沖涼都唔會立黐黐, 一生人就沖三次涼都唔奇…相信而家較少這樣!!!
照計而家香港家居好少因為沖涼而冷親!! 好多人的護理意識高了, 長者或長期病患會因應番自己的需要而沖洗…
原來都幾多人, 細時都會洗面腳唔沖涼~~哈哈
2014-02-12 09:17:17
ykk
好森話你知,可以裝部浴室寶. ykk剛剛買了一部浴室寶, 有抽氣, 抽濕, 冷氣熱風功能, 今次養兵一月, 用在今招, 哈哈!
2014-02-12 11:44:58
版主回應
裝得浴室寶...間沖涼房都唔細喎！雖然係舒服，但夏天好少用…
森伯冬天有部老人之寶……暖風機就已經夠~~~
2014-02-12 15:10:51
BlM
落雪係幾有氣氛，但如果冰天雪地要駕駛就唔同講法，鏟雪，撻車，驚滑軚。响香港算係年中凍下唔算好慘，森兄記得保重保暖呀！
2014-02-12 14:28:22
版主回應
真正要感受落雪的地方，就會清楚落雪原來好唔方便！唔好話要駕車就算平時外出行都大受影響～或者香港真的是個福地喇！
謝謝關心！呢個時候保暖好重要…
2014-02-12 15:48:46
ykk
起初誤會以為森兄學森馬仔唱番首: 冷得騰騰震, 凍到入森.... 哈哈!
2014-02-12 15:16:52
版主回應
把口雖然冇唱, 但唱在森裡…...呢首萬惡淫為首幾啱呢個時候贈興！！
2014-02-12 16:26:15
ohtria
美國我覺得係佢基建有問題.
2014-02-12 15:47:09
版主回應
無論是什麼問題，最終都苦了市民大眾…
2014-02-12 16:26:36
kammy
我地屋企一凍, 都會開定哂暖爐, 咁就唔怕沖涼了XD 其實如果早止覺得凍, 飲杯熱熱地既水, 身體就會暖好多呢~森伯都試下啦^^
2014-02-12 20:42:27
版主回應
我認為在香港一部暖風機都夠…好凍的時候開得比較多，始終香港凍的時候不多，過了二月已經漸漸和暖…
通常一早我會飲室溫水，都幾凍下!!!下次試試加少少熱水~~謝謝提示
2014-02-13 09:07:22
繪畫樂園
老人表皮油脂係寶，水份硬加係寶，呢幾日噤凍，老人要識保都係隔日沖涼為妙喇。從生活種種香港同其他地方相比，香港這個小城市，天災少，有四季，生活在香港感覺是福！
2014-02-13 08:02:44
版主回應
你真係識得怎樣為老人家護理，身為老人家的森伯仲傻下傻下…認真失禮！：Ｐ
若然皮膚乾都唔怕，市面都有幾多護理用品可以用…
世界每個國家或城市都有好處唔好處，懂得欣賞當中的就最重要！
2014-02-13 09:08:03
如心恕也
我住喺南半球今年夏季都好似走咗樣，除不感到酷熱，而且成日都好大風，間中仲有些地方發生小龍捲，所以感到今年真係好反常，唔知會唔會有乜大事呢？
2014-02-13 08:50:58
版主回應
總之天氣的變化，好難去預測！！香港也是凍幾日又暖幾日…或者很多人都習慣了~~
發生小龍捲?!!.....聽起來都幾驚！最重要是人生安全～反而其他也擔心不到！！
2014-02-13 09:12:01
Gael
如果整日在家我都唔沖,但返工或出過街就唔得~~~~:P
2014-02-13 17:55:02
版主回應
有時都會咁諗…不過太凍就算出過街都會唔沖架~~XXD
2014-02-14 09:16:31
愚
這幾天真的很冷，一星期內仲有兩晚要返學，真係好想逃學，但畏堅持，哈哈:)
2014-02-14 21:18:03
版主回應
如果出街,我都唔怕凍...反而留在室內唔多郁時就會感覺好凍,尤其晚上睡覺時~~~
2014-02-17 08:59:40
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文