「森」情小品文 ...

323愛的鼓勵 505訂閱站台

有時覺得香港越來越多人，無論去到邊處都係見到人山人海，好似近排最熱爆的新聞，都一樣離唔開人頭湧湧…



港事一：

相信大家都知呢幾日的港產大事，日日都有免費電視的發牌事件跟進，禮拜日仲有成萬人上街遊行，有時覺得多一間免費電視頻道，對香港人真係咁重要？！假設有日「港視」真係有得免費睇……睇多一年半載，到最終又係睇返TVB，可能「港視」最終又係步ATV的後塵…始終都與慣性收視有關～人的習慣性有時都好衰下，明明準備熄電視，點都要扭返TVB先會熄得安樂～哈哈哈哈！至於冇乜收視的電視台，做做下都冇心機冇銀紙再繼續創作新節目，就好似ATV的現況…

始終對我來講，睇電視不是每日生活的必需，就算現在都甚少睇！至於「港視」，都會想睇下佢有咩節目，純粹好奇多於興趣……睇節目都係講啱唔啱自己口味最重要！

港事二：

有時都會慨嘆做人家長甚艱難，見到一班家長們大排長龍去爭一個…幼稚園…名額，而有些家長更加有好幾個名額在手～有報導話有位家長，因要排隊而辭去工作，都唔知係誇張報導定實情…

幼稚園只是學習生涯的開始，有些小嬰孩說話都未識講，已經要準備入學讀書，而有些入學試的問題，對一個小嬰孩來講都幾有難度！由人生幾歲開始就要面對父母對學業的緊張…日後更加會做成子女的壓力，十分唔理智！

雖然以上都係近排的港人港事，但以上的新聞又唔係好關森伯的事，只係聽完之後有少少感想而已…

1.港視的主腦人物－王維基

2.週日的大遊行，其中包括很多港視藝人

3.雙非家長為子女排長龍報讀幼稚園

4.有家長Blogger教大家面試幼稚園的實戰經驗…（圖片來自網絡）