「森」情小品文 ...

323愛的鼓勵 505訂閱站台

家陣市面上都買到很多集體遊戲的玩意，有動腦筋，動手腳，考耐性，考定力…咩都有～～有時一班人有大人有細露，一齊玩下呢類玩意又唔錯，好過個個對住部電視或者打機…呢種玩意最經典都莫過於大富翁，家陣已經有新版，唔駛再用大富翁鈔票地契，有部機碌卡去計數就可以！！我就認為失了少少樂趣～～

 

回想返森伯年代，唯一集體的遊戲多數是棋類，有波子棋，飛行棋，康樂棋，蘋果棋，至於森伯最鍾意玩鬥獸棋，不過到而家都唔知個陷阱的作用是什麼，棋裡的豹可唔可以跳河？！！至於象棋，到現在都唔太曉捉，即是馬行日，象行田那種……畢竟都是個回憶～～家陣的小朋友多數對住部電話download些遊戲玩，或者對住部電視玩下Wil game～思考少了…

呢個玩意就叫疊疊樂，顧名思義是考定力智力的！！是較早前小甥女回港渡假，有人買來一齊玩的！！幾個人玩下笑下都唔錯架！！

 

只要思考夠冷靜兼且隻手夠淡定，一定唔會輸！！