「森」情小品文 ...

323愛的鼓勵 505訂閱站台

生活上的“水”

前晚收到個電話，話寬頻減月費兼且送什麼電話咭……又唔錯喎～唔駛加仲有得減！之後佢講很多條款之類既說話，當時都幾攰下，唔想聽咁多，我梗係講：呢樣我明白！…之後佢話想要核對一下資料，佢就問我I.D no～初時我基於私穩都唔想講，但係佢講得出我的基本資料，也無法咁照講，之後佢仲問我的login no，我就扮唔記得，同佢講之前轉過要搵番先知…即場耍佢！到最後佢就話2星期後會收到確認電郵……

其實畀個人資料人真係要小心，尤其是網上，可能就係咁有錢銀損失～不過森伯平時都好

 

少有網上交易，最好樣樣都要有單有據，清楚好多！！

 

畢竟上網費唔使畀咁多“水”，都係件好事既～～

 

 

生命裡的水

因為國內廣東持續旱情，一向都有輸入東江水既香港，政府都要話減少輸入水量，紓緩下當地既情況…唔好睇香港地方細，但港人用水都幾浪費，其實我覺得家用食水都會有節制，但食肆既耗水量真係唔講得少，全港食肆都幾多，食水就自然用唔少…都唔好話用水，之前有調查話港人耗電量都好犀利，一向食慣…嘆慣…用慣…既港人（雖然森伯都係百分百港燦，但都睇唔過眼！！）一扭開個水喉就有水，都唔會察覺到原來同屬一區既地方是會有旱災！政府都勸我地要珍惜用水～唉！！！！

 

所以慣常擁有既，唔係必然架！！

國內唔使畀咁多水香港，咁就準備要制水咯！！