「森」情小品文 ...

323愛的鼓勵 505訂閱站台

記得以前打風既前夕，好多人通常都會買定好多食糧！咁罐頭一定成為必然之選啦～所以我會將打風同罐頭聯想一齊！！依家我就極少以罐頭做送，因為香港買到新鮮既食物真係好容易，不過對某些人來講，罐頭的確係幾方便～～

依家的罐頭有咩新口味，對我來講就唔係好知道……

不過以下有五種罐頭，印象最深刻！！

開始倒數！！

 

第五位：飽貝

呢種罐頭菜式，通常都係過時過節，森老媽就會煮，通常佢都會連西芹一齊炒！以罐頭來講，味道都算唔錯！！

 

第四位：豆豉鯪魚

豆豉鯪魚係用油炸香既，食落就唔會有魚腥味！所以一打開罐頭，就會發現有好多油，番熱後又會好香，有佢送飯都可以食多碗架！！

 

第三位：陳皮鴨

呢款罐頭我唔知依家仲可唔可以搵到，雖然打開見到碎碎地，黑黑地，但煮熱時，就會有極香濃既陳皮鴨味！！

 

第二位：ABC字母湯

細個時，都會起湯裡會搵字母，當然搵唔齊A-Z咁多個啦！！

 

第一位：午餐肉

煎香佢，送即食麵一流架！！我只記得有隻牌子既，包埋條開罐匙架，慳番用罐頭刀開！！

 

 

森伯聲明：我本人家中無持有以上罐頭…（好似股票評論咁！！）