夜空中的六等星 天空中星星的亮度，是有分等級的。最耀眼的是一等星，然後依次為二等星，三等星．．．六等星是人類肉眼剛剛可以見得到的亮度。 我就像天邊，距離地球最遙遠的一顆小星星，在不為人知的角落裡，靜靜地寫下自己的心事。 謝謝你的到訪，使我知道在茫茫人海中，有著關心自己的朋友。

22愛的鼓勵 0訂閱站台

我經常在一踏出家門之際，才醒起身上沒有帶鎖匙，手機，銀包．．．etc。原來我是這麼的粗心大意。

今朝早在他家的玄關穿好了鞋子的時候，因為不想踩到拖左地的地板，便叫男朋友回房間幫我拿LX3，因晚上上堂要用。佢照做冇講野。我其實係落街送佢搭車返工。

0係砰一聲關左門之後，我下意識摸摸衫袋，sigh．．．我又忘記左帶自己屋企鎖匙，oh no，咁我一陣點返去？唯有叫佢幫我行多次，攞返條鎖匙俾我，一千萬個唔該啦最多．．．但佢今次竟然唔理我，佢話：冇鎖匙呀？咪唔好返屋企囉，去我屋企過夜囉^^

我話：唔制呀~我仲有條車匙，一陣要ja車呀，你快d幫我開返門入去攞鎖匙呀。

點知佢死都唔肯，話得一部lift咋，要等咁耐，唔等呀，要攞你自己一陣上返梨，禁鐘叫我媽開門俾你。

咁樣要打擾佢屋企人好似唔係咁好，咁啱又有部lift到，佢推左我入lift，先話：弊啦，如果一陣你返梨時，我媽又出左街，咁你點算呀？

．．．．．．．．．．

我覺得佢好衰，對住佢d眼濕濕，佢以為我發脾氣，解釋話趕時間，唔想miss架巴士之類，話我今日放假架，一陣自己行多轉搞返掂就得．．．呢d係咪叫做無可奈何，鬼叫自己天生大頭蝦咩？><

算啦算啦，送到佢去巴士站，見住佢上巴士，有d愁．．．但佢突然又跳返落巴士，塞左d好重既野俾我。

我自己屋企鎖匙。

你真係好衰，唔知嬲好定笑好。