夜空中的六等星 天空中星星的亮度，是有分等級的。最耀眼的是一等星，然後依次為二等星，三等星．．．六等星是人類肉眼剛剛可以見得到的亮度。 我就像天邊，距離地球最遙遠的一顆小星星，在不為人知的角落裡，靜靜地寫下自己的心事。 謝謝你的到訪，使我知道在茫茫人海中，有著關心自己的朋友。

22愛的鼓勵 0訂閱站台

記得拍拖時，老公對"龍環葡韻"呢個地方情有獨鍾，提過結婚日一定要去戈度影外景。

 

又回到最初的起點，記憶中你青澀的臉，我們終於來到了這一天。。。

老天爺很眷顧我們，落足一星期的雨，唯獨在這個重要的日子裡放晴。

原來坐車時我仲著住件毛毛披肩，回想起三個月前是陰涼帶雨的天氣，而家熱到發顛。一眨眼間時間過得好快，好似已經過左好耐咁。

同檸檬bb女一樣，其實我都鍾意big day既相多過pre-wedding，因為"真d，人性化d"。我估老公都有同感，佢話"熱鬧d，好玩d"。

只有big day既相先令我有一看再看既衝動，否則都唔會有心機寫呢個回顧系列啦。

老公同一眾兄弟的合照。

我同一眾姊妹的合照。

老公被揍，不過佢好似好開心咁:P

十字架下的留影。

影完第一個景就過左花園仔戈邊。

對比返呢兩張相中的兩個傻瓜，haha。雖然沒有遇上花展，但花圃一年四季都修茸得很美丫。

影師幫我地揀左呢張做光碟既封面，讚喔。

跟住我地又過左樹林戈邊。

是不是很有 "無間道" 同 "他來自江湖" 既feel呢？

由自己一個人到相遇。

我會一直在你身後，做你堅強而有力的後盾。

好鍾意呢幾張。好似將時光定格左。

我地聽從影師建議，行大運只揀左龍環葡韻這一處影相(本來想去埋威尼斯人)。佢承諾會盡佢所能影出唔同角度，的確又冇令我地失望。

趁機介紹下d姊妹先。

1)胡仔。由細玩到大的死黨，相交逾廿載。未懂事時已跟家裡嚷著，我第時要搵佢做伴娘！母親說你傻架，因住俾佢搶晒你鏡。我唔怕，我對自己有信心！

2)阿詩。2007年底北京之旅認識既朋友仔，旅程中雖然沒有太深印象，回澳後也極少聯絡，但直至2010年頭因我倆各自失戀的事交深左，在2010-2012年間從不間斷地互相鼓勵。這些就是緣份。

3)小山。0係圖書館做野時識既，當時佢係暑期工，我也只是兼職身份。短短一個暑假相處，竟然可以keep到做左咁耐朋友，佢返左上海讀書之後，我地每一天都會用msn聯絡，咩都傾。加上我倆年紀相差七年，可算忘年之交，難得。

4)碧雲表妹。我亦同佢一齊聯手做過姊妹團架。

仲有5)小雲同6)iris，可惜因工作關係未能在日間活動出現，好在夜晚都有參加我地的wedding party，仍感謝你們。

再黎介紹下老公d兄弟人馬啦。

1)姐夫。佢負責做我地架花車司機。

2)阿滔。老公在英國的同事，而家都返左澳門做野啦。佢個樣勁似我小學同學，經歷亦有幾分相似，只係唔同姓，so that己排除左呢個可能性。

3)Arthur。老公返澳門之後搵到第一份工的同事。佢舊年8月生左個bb，未夠一年又再宣佈有喜。愿你好事成雙。

4)阿濠。我妹夫來的。佢好熱心幫人做兄弟，好鍾意見到人結婚，好鍾意去飲。唔搵佢幫手都唔得。

5)我細佬。佢負責渣架七人姊妹車，幾識搞氣氛的。

6)我細細佬。這臭小子一向以遲到而惡名昭彰，猶幸在我的大日子尚算俾面。

我所有的姊妹都未出閣，拋花球對她們來說是興奮時刻，希望能為妳地帶來好運！

Oh...衷心恭喜阿詩。

龍環葡韻既景色真係好迷人，唔怪得個個都指定黎呢度影結婚相。

阿妹話E張求婚相影得幾靚喎，相片編號仲0岩0岩係我的出生年份，又會咁巧合既？

講到底，真的辛苦晒一班兄弟姊妹同我地一齊影左咁多相，無論幾累都面不改容。