夜空中的六等星 天空中星星的亮度，是有分等級的。最耀眼的是一等星，然後依次為二等星，三等星．．．六等星是人類肉眼剛剛可以見得到的亮度。 我就像天邊，距離地球最遙遠的一顆小星星，在不為人知的角落裡，靜靜地寫下自己的心事。 謝謝你的到訪，使我知道在茫茫人海中，有著關心自己的朋友。

22愛的鼓勵 0訂閱站台

近排同佢又發生左好多事，大部份都係佢講將來點點點，不過以我過去既經歷，知道男人講既野，信一成都死。所以關於佢承諾戈d野，暫時唔提住，寫下第2d野先．．．

尋晚打俾佢既時候，係晚上11時45分，佢話才剛剛回到家5分鐘而已，我隨口問左句：咁夜既？

估唔到佢好認真咁同我慢慢分析：佢話11點放工，換好晒衫11點15分離開公司，行25分鐘返屋企，返到屋5分鐘正準備沖涼收到我的電話．．．

正當佢在數緊d時間順序既時候，佢媽媽插左一句入梨："去左溝女之嘛~"

下．．．點解佢成日都咁講既？XD 上次在中午時份，有人打俾佢，佢媽話："睇下有幾多女仔搵佢~~" 唔知俾咩反應好，佢同我都覺得係講笑架姐。

最後我又總結到一個問題，會唔會係伯母大人開始呷醋呢？因為佢對我真係好好，成日同我出出入入，食飯時不停夾餸俾我，仲幫我拆埋魚骨(但佢當然唔會對佢媽做呢d啦)．．．其實以後我要點做好d呢？

我應該0係佢面前對佢阿媽好d，定0係佢面前對佢個仔好d呢？？