夜空中的六等星 天空中星星的亮度，是有分等級的。最耀眼的是一等星，然後依次為二等星，三等星．．．六等星是人類肉眼剛剛可以見得到的亮度。 我就像天邊，距離地球最遙遠的一顆小星星，在不為人知的角落裡，靜靜地寫下自己的心事。 謝謝你的到訪，使我知道在茫茫人海中，有著關心自己的朋友。

22愛的鼓勵 0訂閱站台

近來地球上發生了很多事，都令到人心惶惶，其中一樣就是今次日本的災難事故。記得在放這個大假之前的幾天，我的工作就是跟日本旅行既查詢有關。主管話，每個打入來問這方面的電話，都要紀錄低內容，臨收工前電郵俾佢睇下d人問左d咩． ． ．

開頭都幾正常，因為大部份都係問退團，或者退機票d野，而家旅行社有2個做法，1係轉團，1係就保留行程半年。不過後來又有d客人打來話，旅行社同佢地講，如果照去既話個團費減半，所以佢地就想問下我地其實仲去唔去得過喎． ． ．

有關戈邊的最新情況，旅遊熱線可以幫到佢地，叫佢地直接打去戈邊再問。但講真，0係呢個咁嚴峻既形勢之下，大陸同香港都特登包機送d國民回來啦，緊係有未預知既危險先會咁做啦，遲d再發生咩事根本冇人知，咁． ． ．人係咪又要為自己負返1些責任呢？

1齊做野個同事既睇法都係1樣，唔通我0係電話度同你講，戈邊ok 架，你去啦，旅行社都話ok 咯，應該冇問題呱，咁你去左有問題，就賴我地咩？自己衡量啦． ． ．． ． ．

或者換1個簡單既例子講，有兩份既工等住請你，你唔知做邊份好，所以周圍問人。即使是最幫你既朋友，俾左最客觀既意見，但點知原來人地個意見令自己走上左不歸路，而如果當初行過另1條路既話會平坦好多，咁係咪到左戈1刻，突然之間會覺得自己信錯左人呢？

呢個都只係1個假設既例子，試過有個無知既妹妹，問佢家姐2個男人揀邊個做老公好，最後佢揀錯人，生活很不開心，佢成日都埋怨人地老點。佢既唔開心我係明既，但係我真係唔知點先可以令佢明白，佢本身既思維已有問題。

P.S. 好在呢個唔係我阿妹，我亦唔係佢家姐咋。