24h購物| | PChome| 登入
2004-03-12 23:24:00| 人氣166| 回應0 | 上一篇 | 下一篇

: 陪我聽 : 一首歌

推薦 0 收藏 0 轉貼0 訂閱站台

怕咗你哋嘅耐性, 所以扮 , 一開二。



喺堂堂英國做乜好? 聽歌啩。以下嘅文字提到嘅歌, 主要都係以僻得黎你唔會覺得我扮型、好聽得黎又未必會啱你咀形、hit 得黎你又唔會覺得『好 Boyz』為大前題。



先黎 Sammi。無意中播到 <守株待兔> , 聽完靜係諗到一樣嘢:『原來俾我做許志安都好喎...』

胡蓓蔚, 我一路都幾 buy 呢一個由個名到個樣到聲線唱腔都好似怪怪的嘅一個『好有經驗』嘅歌手。新作請參考 Edison 最新 <請偷我隻碟> 大碟嘅第 12 track <戰爭>。(好鐘意 <戰爭>, 估唔到 Edison 咁大面可以 4 人合唱。但你話如果首歌無咗 Edison 嘅咆哮, 靜係胡蓓蔚加陳煥仁加 MC 仁, 個世界幾完美呢)

Edison 又唔係真係咁差嘅, 聽完 <香港地> 煩請聽聽 <尼古丁> , 有走音但依然悅耳。

好多人鐘意黃耀明, 但我估有好多歌手都好忌明哥, 因為翻唱實在耍家。<再見二丁目>、 <情人>、<味道>、<友情歲月>、<暗湧> 通通都唔會差過原唱。但想極力推介嘅明哥翻唱係名不經傳, 彭羚 <隨身聽>。
除咗同哥哥除咗 <漩渦> , 明哥仲有唔少合唱歌都相當一流: 同陳珊妮嘅 <電車上的情侶> , 同埋同梅姐嘅 <約會>。

余力基構嘅 <活著> 但願人人都聽過分享過, 係可以聽一世嘅歌。另外好鐘意 <精神分裂> , 聽完會發現余力姬係癲嘅; 如果你鐘意首歌, 就你都係癲嘅。(希望有最少一個人係知道甚麼是魚歷機...)

喺倫敦聽杜麗莎會係咩感覺? 感動。十數首杜麗莎音軌首推 <真愛>、 同 <假如>。(怕老套而唔聽嘅話, 會係唔輕嘅損失)

原諒我嘅後知後覺, 依家走去鐘意楊乃文。我覺得佢都幾係台灣嘅成功版胡蓓蔚。雖然鐘鎮濤翻唱 <我給的愛> 效果更好, 又雖然兩年多前我被好多星星遮掩咗 <星星堆滿天> 嘅力量, 但 <證據>、<祝我幸福> 都好聽。另外有一首叫做 <你就是吃定我> , 首歌怪怪咁只算唔錯, 但歌名實在鬼馬。(講起鬼馬, 諗起阿舞影 Juno 果首 <奧瑪>...)

最新一隻認為必 keep 大碟, 王菲 。不要問只要有。



(tbc.)

我要檢舉
台長： ML

您可能對以下文章有興趣

人氣(166) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文