24h購物| | PChome| 登入
2004-03-22 21:05:00| 人氣217| 回應0 | 上一篇 | 下一篇

狂迷

推薦 0 收藏 0 轉貼0 訂閱站台

王家衛一齣無獨白嘅戲, 經常只聽到配樂; 無悶場除咗因為音樂好好聽之外, 係杜可風, 仙境級攝技。<花樣年華> , 賞心悅目靚到暈。

<花樣年華> 複雜只限角色心態, 劇情相當簡單, 周慕雲 (梁朝偉) 同蘇麗珍 (張曼玉) 互有好感, 但因為發現雙方嘅另一半同對方嘅偷情, 令兩個人相當困擾之餘, 唯有將感情收喺心入面。

幾乎幕幕都咁靚, 我最愛係喺 2046 號房內所有用鏡去交待嘅畫面, 鏡頭由兩個主角身後映住反照主角正面嘅鏡; 仲有喺扒房餐廳, 先係由遠至近映住一排排卡位, 跟住當兩位主角揭穿另一半嘅外遇時, 一鏡直落映住兩個人大頭, 鏡頭隨住發言者交替。感覺係懷舊嘅手法, 搞笑得黎又真係有『開估』嘅感覺。



偷情喺果個年代應該係大禁忌, 加上自己嘅另一半亦偷緊情, 令到周慕雲同蘇麗珍嘅阻力更強 - 係咪要步另一半嘅後塵, 行一條所謂錯嘅路?

『係我。如果有多一張船飛, 你會唔會同我一齊走?』
問係咁問, 但事實要考慮嘅係, 假如有多張船飛, 我係咪真係會同你走。

兩位主角有鋪綵排癮: 第一次蘇麗珍要周慕雲陪佢綵排質問老公偷情嘅情況; 第二次周慕雲要綵排離開嘅對白。凡事必有因, 要綵排皆因真正演出時水準質素嘅影響太大, 大到負擔不起。
就連綵排都負擔不起, 蘇麗珍與周慕雲最親密嘅兩個擁抱都係緣於蘇麗珍被綵排迫出嘅眼淚。

的士車箱好窄, 兩個單位之間嘅走廊好窄, 周慕雲嘅選擇空間好窄。



對我黎講 <花樣年華> 唔係最好嘅電影, 但一定係最靚嘅電影。再讚多次 Christopher Doyle, 從未如此絢麗過。





(p.s. <春光乍洩> 嘅何寶榮繼續現身 <花樣年華> 擔任攝影助理, 但再見唔到黎耀輝嘅名字。有 D 感觸, 想即時重溫 <春光乍洩>。)

我要檢舉
台長： ML

您可能對以下文章有興趣

人氣(217) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文