熱得發毛,太陽的熱力在早上或夜晚都係咁猖狂. 大腦的運作能力大大減低,商場同泳池充滿著人,大家都忘記了因為那邊正作下大雨. 有朝回了科大繼續上中文,己經進入最後大直路,之後和Teri落了G7陪她吃了半個飯便第一次的坐91M倒程的去寶琳,終於俾我眼到人氣巨星Freddie. 我地去咗澳門茶餐廳,啲嘢食普通喇,原來佢九歲去咗英國,前年先番黎讀U,唔掛得啲英文咁好聽喇. 人氣巨星的人氣梗係唔簡單,港九蒲點無所不知,無人不曉......我真係好佩服,佢竟然見一眼W都認得.
咁佢以將軍奧大使的身份帶我走咗轉,一面介紹全港最大的百佳,最大實用面積的居屋,最細的玩具反斗城....最去埋將軍奧圖書館同泳池,真係唔話得. 之後我番咗UST做gym,己經有一星期無做,慘喇,有啲力不從心添. 回家時打電話問W啲智慧齒剝成點,點知你痛到講唔到嘢,仲要食幾日粥,我都好担心添. 晚上,我係極度confuse,其實我都遇咗,不過無諗到咁的情況下....時間,等時間過.
上畫要練吓琴,自己剪完頭髮後就去出朗豪坊,白痴仔楠爺最先黎,之後同ESB和Carman去咗吉野家食Tea,其實我都係第一次去咋,十五蚊其實真係幾抵,不過最唔開心係我飲凍檸茶又加$2,飲凍檸樂又加$2,不過我的係沖粉無檸檬囉. 之後我地上咗去最高嗰層,玩畏高,好快就要送楠爺回家食飯喇. 我地三個混吉的去咗朗豪酒店大堂坐,啲職員明知我地混吉都無計,不過最後因為想去厠所都唯有離開.
雅蘭商場原來有間買得意嘢的係二樓,之後借幫人買禮物為名去咗潮流特區,間間舖都睇吓,又去A look試眼鏡,我試咗副好浮誇的,好啱我. 行到八點,入咗間女人街邊叫炳記牛牛食,我地三個人share咗兩個焗嘢,每人都唔使二十蚊,抵到笑. 大家似乎心有不甘咁繼續要將旺角連骨都食埋,咁我地去espirit度混咗陣吉,最後就去旺中,不個我咁多年都無咩點入過的地方,不過真係好得人驚,買黎買去都係嗰啲嘢. 最大的收穫係......聽番首歌"緣份".
嘩,好攰,個頭好痛. 個人勁confuse,想死,挫爛個頭先. "我怕受到傷害,也怕傷害了你.", cool.
文章定位：
