提早達標＠Dennis｜PChome Online 個人新聞台

2007-09-29 02:11:51| 人氣121| 回應0 | 上一篇 | 下一篇

提早達標

推薦 0 收藏 0 轉貼0 訂閱站台

嗰果係葵涌既job終於告一段落,雖然留咗三個星期,但係好似度日如年,皆因senior傻咗,成日唔記得自己講過啲咩,又成日搞爛gag,驚client驚到唔敢去廁所,話大埔好近中環....依家可以番IFC,暫時唔使由朝到晚對住佢,真係連透氣都大啖啲

中秋,咩都無做過. 係屋企温吓書,做吓gym,咁又一日. 不過終於有啲時間陪屋企人,去咗馬灣,一個唔俾車入既地方. 我地係入面食咗個西餐,行咗個well designed既馬灣公園,住既環境唔錯,不過真係遠咗啲囉.

上星期日,羨華結婚,真係好感囉,真係一個親人踏入人生新一頁既感覺,廿幾年喇喎. 中間有一段小插曲,就係燦明戴唔落隻戒指,有少少尷尬喇....我今次咩都幫唔到手,佢地又唔使要新居禮物,真係....

今日公司派信封,lunch前Mary同我講我performance係4喎,其實我一啲都唔care,無論人工加幾多,我都要走ga la,下晝成組一齊飲茶,因為我地sr mgr Shirley走,所以請客. 而夜晚partner請,去Soho食法國菜,飲咗好多紅酒同食咗半打生蠔囉.

提早達標,你話係咩呢.....另外,我己經越來越清晰,feel 到喇,多謝各位.

我要檢舉

台長： Dennis

人氣(121) | 回應(0)| 推薦 (0)| 收藏 (0)| 轉寄
全站分類: 不分類

回應(0)