這幾天,天氣反常,不止是反常的熱,天色迷蒙,更會局部地區有冰雹,一天之內竟有萬多次閃電,似乎要一天經歷所有氣候變化才肯停,對於我黎講,更反常的當然是人民弊突然升值,可唯殺了個措手不及,2%是政治性多還是經濟上多,我不知道,但知道如果加人工2%應該是政治因素為主.
星期三上完了我在科大最後的一堂,怎也想不到是文學來的,更想不到頭十五分鐘無冷氣焗到...,吃了最後的一次Deli的湯面,到libra G4吹了一個水.....很規律的生活,而晚上更要回教會查經,有時真的很難想像這樣的生活會出亂子,當你身邊的人inertia都咁大,就算你想出亂子也不易. 最近讀資治通鑑,讀完劉徹,原來漢朝有條法,不准無故三個人一齊飲酒,真係好難明當時啲bar點經營.....
今朝,下雨,可恨的是要去見工,可喜的是那公司在置地,不用淋濕. 十時四十分,竟在置地遇到一熟人,是燦明弟兄,這是我第二次在置地撞到佢喇. 上十三樓,等了一會,便被帶到十四樓一會議室填個人資料,之後做aptitude test 30分鐘,呢份我真係未做過喎,係rank邊個形容最切合你,例如:我喜歡面對數字/我喜歡重複的工作....好無聊. 等咗一陣,個manager黎,咁佢一開始講英文,咁我當然要英文介紹自己等等,講咗一陣,佢叫我講番廣東話,之後大部份佢都問我關於係KPMG做intern的事,例如我做過咩,去過邊,跟過咩人,有咩感覺....原來佢識Mina媽媽嫁,佢以前都係KPMG做,都係做中國移動同建行上市,我入KP佢就啱啱走. 雖然有part係我問問題,但係我真係無咩想問,就問咗一條關於番內地工作的就算喇. 最後佢叫我sell自己一次,我竟然話自己普通話幾好,咁佢即刻叫我講兩句....其實我唔係話得差,不過係我一時之間諗唔到講咩啫. 最後佢都話其實我個background好簡單,中學畢業,入u讀acct,然後出黎揾工.無錯,exactly,就係咁簡單.
回家,同W訴苦,點知仲俾人hurt,唉,可憐的佢個口重腫,未陪得我游水/睇戲添,真係唔知會腫到幾時. 所以為咗沖淡我的不愉快,返咗去科大做gym同睇書,今日玩咗兩部新機: 2000m rowing都幾辛苦,重有部樓梯機,玩完成身濕晒,正, 可以忘記啲不愉快感覺. 之後去咗CWB,見Kenneth,一個...好難形容的人,心情成日變,對人時好時懷,anyway,見吓因為唔想星期五晚係屋企咁牛斗,之後去咗Lab,識咗佢個friend,叫nocture,一聽就知係彈琴人,所以特別好傾,不過你都知我對於呢啲地方的人都比較保持距離,應該既.
心情平靜.
文章定位：
