不再是我弟兄＠Dennis｜PChome Online 個人新聞台

2005-07-18 02:02:52| 人氣62| 回應0 | 上一篇 | 下一篇

不再是我弟兄

推薦 0 收藏 0 轉貼0 訂閱站台

上畫present蘇軾首詞,我地上一組有個騎呢友,平時己經亂up嘢,present就更加起誓咁發表佢的偉論,仲超晒時,我同tutor做一個要暫停的手勢,咁tutor就cut咗佢地,我打頭陣,講一輪蘇軾生平同詞的背境都要5分鐘,慘喇,不過好在之後啲組員時間掌握得好,可以係40分鐘內啱啱完成,而同學們都算係幾踴躍咁"九"up.(原諒我用呢個咁精警的字).

食完G7大頹飯之後去咗南北出面吹水,無錯係好晒,但係係一個咁風和日麗的下午,一面吹水一面對住個西貢海,始終係一件奢侈到唔會後悔的事,我地一齊吹水一齊hea的時間加埋真係嚇親人. 跟住我就去咗樂富,不過今次就撞唔到tony,今次我好準時,但係有人最後都係遲五分鐘喎. 咁我地就去九龍仔泳池,係佢第一次去既,亦都係第一次黎樂富. 佢一出去泳池就話好舒服,一落池水就話啲水好清,以後都可以唔使去第二度,所以都話Dennis無介紹錯. 最最可惡係竟然有人偷咗我的太陽油,邊個咁唔衛生吖,咩唔知我有皮膚病咩. 我地一齊晒吓游吓去到五點,佢都學識咗啲新的嘢,睇黎我呢個教人的都有番啲用.

我帶佢經過我成長的地方,民生,之後上番樂富去吉之島買嘢食,就收到人的電話,佢以為我係長沙灣,不過我都可以同佢一齊hea,咁就係樂富地鐵站月台等一齊去彩虹,我揾食去咗平石村,入咗間茶餐廳,點知一個面加嘢飲要22蚊,不過算喇,基本上都係為咗吹水啫. 我覺得好好,因為可以單純,有時問自己點解愛一個人,其實都未必咁清楚,總之最緊要的係你知道你真係愛佢,如果你連愛唔愛佢自己都唔知,咁啫係唔愛囉. 家禱會,係為夏令會,大家都講咗啲感想,愷晴話佢\第一年夏令會見到神的愛,跟住係神的恩,上年係神的榮耀. 之後俾人借僑,一齊番咗黎長沙灣,哈哈.

好開心同咗一位我一直都有好感的弟兄係icq傾偈,雖然都無咩特定傾咗咩,但係至少了解大家多咗,打破咗啲隔閡. 佢打中文字都幾快,同埋真係打唔停嫁噃. 不過而家我會早啲上icq,因為想早啲瞓,應該係好事,因為我夏令會要打鐘,至少要六點三起身,諗起都覺得九死一生......

我要檢舉

台長： Dennis

人氣(62) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)