上完堂後就同groupmate傾陣present的廢嘢就去咗摩士公園游水,記憶中係未去過呢個游池,同W約係黃大仙地鐵站等,竟然撞到Tony,原來摩士啲locker的鎖匙係手錶型既,不過更加估唔到的就係摩士的水可以咁污漕既,想死. 因為行山傷咗隻腳同手,所以游落都隱隱作痛,不過我為咗教人,梗係唔可以唔游喇. 佢\鬼咁緊張咁叫我唔好游,話驚感染,仲叫我快啲晒吓傷口快啲好,真係....一個好的小朋友,活脫脫的教育電視. 最意想不到係Alfred的事,真的世事難料,其實我就唔多buy Alfred囉. 夜晚返查經,竟然無瞓著,好叻仔.
星期四早上本來無咩做,彈完琴之後本來又諗住好似前日咁去行山,點知俾我online遇到弟兄偉文,傾咗陣,咁就約一齊食晏,佢提議去西九的椰林閣,原來佢自己都未去過,不過都無咩所謂,好似日得我講咁. 其實全科大都知道我日日都係咁著嫁,都好多男仔著背心,W都日日著. 之後佢去咗陪人買鞋,我自己去咗深水埗泳池游水減肥,因為自己肥咗兩膀,游陣又晒陣. 不過今日都好多人晒,無晒位添,大約四點幾我就走.
去咗尖咀,其實我去Citysuper準備吓明天present的嘢同温吓mid term,咩你地唔知屋企無冷氣有電腦係温唔到書咩. 咁搞到六點就行去海傍文化中心度坐. 睇埋本柏楊的資治通鑑,攤屍攤咗半個鐘,天色係幾色鐘之內由淡藍轉成深藍,月亮仍在此.
七點半去咗同Nick去到諾士佛臺食嘢,其實大部份都未食過,咁就去咗一間日本嘢. 雖然入面人少少,但係都唔錯,睇黎真係有啲日本人黎. 本來諗住叫杯水,點知係日本人,淨係識日文同英文,真係嚇親. 我地叫咗個奄列蛋飯,鐵板炒面同海鮮天婦羅,樣樣都幾好食,個買相比圖畫重要好喎. 好嘢,終於可以攞番幾個月前做嘢的錢,而更加好嘢的係又多個人了解我. 總之同以前一樣就己經足夠,己經好好,無人想行條辛苦的路既. 呢間嘢幾OK,一個人都唔使一百蚊(唔飲嘢),直得推介.
返到屋企,都唯有繼續温吓書同prepare嘢,不過我都無咩驚過,用中文present,應該handle到的,係第一次,亦係最後一次. 最後同W傾完就同呀哥打機打到三點幾.
文章定位：
