今日星期二,節目非常之豐富,由我朝早睇咗一陣無聊的美玩天王開始,我就十二點鐘去到呢個尖咀(無錯,又係尖咀),今次大家都非常守時,四個人個早到或準時,咁佢地呢地人又旨意我呢個地頭,咁睇吓楠爺的budget,睇黎都係去番Ashley Road食吓啲set lunch好啲,咁就去咗上個星期二我同Sarah食tea那一間喎(不過係楠爺揀的,唔係我),我地真係好耐好耐未一齊見過面,ESB應該係上年五六月囉,Carman就淨係會同我上個星期講電話,而楠爺就更加耐(雖然同一間U,但係都好少見到). 楠爺今日痴咗線,係人都鬧,係人都唔滿意,前幾日又番咗大陸做埋啲白痴嘢喎,睇黎都係撞親個腦. Carman走咗番學之後,我地幾個去咗新世界喎,組成"運桔三人組",周圍玩人地啲嘢,南爺玩啲低B嘢特別醒,尤其是係超音鼠,但係佢好快又話要走喎,都唔知係唔係既.
咁我之後就繼續同ESB去咗小熊國,原來有好多熊,重要有啲衫可以買俾佢地著添,好白痴呀.不過呢個小熊國又貴又無人去,唔知幾時會執呢? 行去海運,咁原來可以係底層直接入去KidX果層,唔使先上SportX先再落去,咁今日有間新西餐裝修緊喎,以後又有好嘢試! Disney有啲嘢都幾得意,而ESB竟然打PSII囉,係LCX度就撞到我最愛的Terry喎,真係痴根,其實我一望到佢個袋己經知係佢囉,即刻黎番個擁抱先. GOD三十蚊有二十七粒假冰買,好無聊. 之後我地終於攰到要入麥記坐,五點幾,Carman都放學喇,咁佢嘛係HKU度過番尖咀一齊吹水,本來我都唔知佢地會點,所以重帶咗嘢黎游水,但係唔使喇,真係多謝晒你地.
七點,我地眾人都好準時咁係麥記出面出現,因為Sarah好肚餓的緣故,咁嘛即刻諗去邊度食,本來都諗住Ruby or DanRyan,但係Hildy話佢有張卡,可以去酒店食免一個錢,咁我地嘛去咗Macro Polo Hotel的Grip囉,嘩,無敵大海景,啲位又舒服啲喎. 咁叫咗個Cesar Salad, Pizza, 燒羊肉拼盤同埋Carbonara Spaghetti with一大條好好食的包,係配香草或三文魚食的. 個Cesar Salad我覺得DanRyan好食啲,因為佢啲酸味重啲,但係個Spaghetti就好好食喎. 飯上,我同Sarah不停以"嗲"聲講嘢,但係我梗係嬴佢幾條街喇,啲肉麻骨俾的嘢我講開嘛,邊有得鬥啫. 成餐如果無折就七百六十幾,折咗每人一百四十,係尖咀酒店喎,重想點. 我地跟住上咗去天台影相,又出去海傍影,我同Sarah張合照真係殺死人喇.
因為我要同Harris去飲嘢,所以嘛十點又要閃,咁都係太子喇,其實我都幾明白啲人放工之後落bar飲兩杯的生活,因為生活壓力太大,工作太單調......
親愛的朋友,雖然你今日無出黎,但係我地四個都好担心你,好想幫到你,那怕只是可以做聆聽的角色. 祝你幸福,快樂.
文章定位：
