有人今日話我打得太多嘢,所以無心機睇喎......唔知點講.
等我講番幾日前星期六的無聊嘢先,嘛係我早上(十二點左右喇),要去呢個中銀中心做aptitude test喎,咁係奧運站的,而我己經事先約咗Tony係E出口等,我本來出門口喇,但係俾人捉住要我著番西褲恤衫喎,不過我都費事同佢拗,總之我就去到我第一次去的奧運站喇. 中銀廿九樓做test喎,咁都有唔少係科大人(其實咩嘢都有科大人),咁個test例牌分英文同數字,每個三十分鐘,今次我竟然做得晒喎,當然佢個test個上次KPMG的係分一間公司HSL出嫁嘛. Anyway,總之兩份都啱啱好完成,之後我就去尖咀攞番星期二買的泳褲先,咁我撘地鐵過咗中環再番尖咀都係三蚊咋,係過咗兩次海喎. 咁我去到就即刻走,因為要趕番青聚,而我今次係撘6A,咁係樓下豆漿大王食咗五分鐘就上去.(因為我唔食嘢係會頭痛)
青聚係分享撒上,一開始唱的兩首詩歌己經將我地的心調整,然後由福沛開始,眾人都把所領受的交通出來,我自己還是對"縱然我地離開主,主都唔會離開我地"有好大的感受. 無錯,神曾經因罪掩面不看主,但主從未試過不理我們,在以西結書中神的離開是逼不得己的,而事實上縱然神似乎離開了,但祂的心仍然在,我地真係對於主的不肯放的心體貼得好少. 之後成聚同主日信息所分享的書藉"靈程點滴",所讀的以賽亞書六章耶和華所發的威榮,我今之讀的時候震撼於那種"聖哉"可以震動殿的門檻,而其衣裳鋪滿聖殿,意乃主的眼目乃遍察我呢個人以及教會整體,另外一面主亦體會我們所感受的,兩者係可等的可畏及安慰.
今日朝日番咗科大,搞咗啲嘢,又做吓運動. 成日都覺得同Steve講嘢好inspiring. 之後去大埔喎,因為要去探吓Nick先,咁我首先撘巴士去到紅萼樓,再轉74X(有轉乘優惠)撘到去大埔中心,咁點知坐坐吓會瞓著囉,不過最後都去咗一個我從來未去過的地方. 因為都成兩點幾三點我都未食lunch,咁我嘛死都要食咗嘢先,咁就去咗間Olivia,係一間好好的西餐廳,我諗如果係尖咀食一個一樣的環境的set lunch唔止一倍囉,而個牛眼排都幾好,我食完咁多嘢之後先有少少飽的感覺. 咁之佢嘛帶我遊吓大埔中心的商場,都有幾間新開的,有bauhaus同izzue嫁,最後重行嘛佢屋企附近同上咗佢屋企,我覺得好開心喎,好過去我明天又會去的尖咀好多,之後重一齊出旺角分道揚鑣,火車上仲聽到有個人係度唱歌,好驚.
今日有個人死咗喎,叫趙紫陽,啲人重係度等中央對佢一生的評價,好無聊,對死咗的人係毫無意義,我覺得不如得主的評價有意義得多,究竟係"那人不生在世上倒好"還是"地上再沒有人像他完全正直"?
文章定位：
