星期四上畫複完琴之後去又去尖咀喇......你地係唔係好驚呢,點解有人可以日日都去尖咀既,基本上我都唔想,但係約咗Harris三點係九龍公園游水,咁冬天游水的地方確實得九龍公園嘛,我都唔想嫁. Anyway,為咗減少我對尖咀的迷戀,我決定約Terry係佐敦恆生等,咁我就話要食頹嘢,因為我呢個月己經破咗產,(呢件事應該從來都未發生過,當然最主要原因係一個意外,重有買咗條泳褲,重日日出街,餐餐都一百幾十,淨係卡數都過千,哈哈),咁佢嘛話帶我去一個地方食米線,原來係佐敦的譚仔雲南米線,呢間嘢我梗係識喇,我屋企附近個間先係總舵,開咗三四年都有,但係因為呢間係新開張,所以加嘢飲都係$17咋. 聽到Terry有份無聊工,又無聊地無咗,總之我地之後經後路,啫係廣東道東港城,咁就梗係入我地先愛的玩具反斗城,又去咗Disney見到無惡不作的維尼,重去咗LCX睇咗啲浮誇的衫,入咗GOD Terry揾番個條夏shalala的浮誇休閒褲,咁就hae到三點鐘我要去同Harris游水喇.
一去同,就見到有另一個人,個名叫呀恆的人,原來佢係Harris係online game度識的fan,咁唔通唔一齊咩,咁嘛一齊游囉. 我都唔明白啲人啲可以著孖烟通游水,咩佢地唔覺得我阻水咩,雖然唔係話要你著鯊魚衣,但係都唔使咁呀. 我地三個係個一半幾的池吹水,我都覺得好凍,之後係大池游咗幾個塘就走喇,佢地游得真係仲hae過我,呀恆就仲hae連泳鏡都無帶,佢手臂幾粗,原來佢係練工夫既. 跟住個池五點就完,之後嘛一齊去咗海運間KFC食少少嘢,其實都唔少,我應該點講呢,Harris個人都無咩嘢,但係恆就真係好唔掂,係成日落bar,滿口粗口重叫Harris一齊叫鷄的人……真係見一次就夠,最後我同Harris撘二號巴返長沙灣.
今日十二點鐘同表哥and呀姨去科大, 係去飲茶,因為佢地未黎過喎,咁我就食咗好多平時tea無得食的嘢,例如牛仔骨,特點燒賣,腸粉….原來茶錢都係三蚊啫,咁都唯有係我簽卡喇,之後帶佢地行吓囉,今日我撞到好多人,有Allen,呀Joe(去完exchange番的),Hildy!!!(佢總共欠我同Steve $120大圓),Alex,當然重有我特登約的Steve喇,因為我地去聽個interview workshop,由一個head hunting公司的老闆講,都OK喇. 之後我梗係去做gym喇,發覺自己有一百三十六磅,好開心,即係啲增磅奶粉有效. 咁呀Leo係度,龍舟隊反而一個都無,重有呀Mick添,咁我地兩個六點半嘛一齊走囉,我覺得佢好搞笑,好似想營做一個爛玩的形像,講exchange成日飲青島同燕京,又點點點溝女花心喎,我心諗,唉,都三年同學喇,你係點我都大約知,重有邊有識飲的人飲青島嫁,梗係喜力/科娜拉喇,同Chiam簡直相差十條街.
家禱會,that’s why我留到六點半,今天有幾段經文,表面上好似係神丟低我地,其實係我地丟抵主,好似我上年咁,成日離開主,將人自己高舉,為自己而活,求主開我地的眼,叫我地看見為祂而活是可等有價值同指望,因可以為主的時候己不多了. 今年留著,難道是為了給我們追求世上的享樂嗎,難道我們還不能體貼主那份忍耐的心情嗎?
文章定位：
