Colorado Cafe＠Dennis｜PChome Online 個人新聞台

2005-01-11 10:48:50| 人氣16| 回應0 | 上一篇 | 下一篇

Colorado Cafe

推薦 0 收藏 0 轉貼0 訂閱站台

死喇,要我星期二寫番星期六之後發生過啲咩,無咩印像添......淨係記得主日的約伯記,一個受連番打擊的人,就算失去一切,妻離子散,最後還要在三個朋友的圍攻之下堅守他的信念,發出真正的敬拜. 之後因為有弟兄係北河街一個月前book咗場打羽毛球,點知無人記得,要我臨急臨忙揾人去,好在除了本身去的二個之外,永鴻居然肯去,五個人至少有人可以中場休息吓,咁我係唔識去北河街嫁喇,有咩問題啫,你問我尖咀三間starbuck係邊都話啫,咁奇怪既. 我打的時候都唔敢咁盡力,因為我星期一要去做gym,做gym切忌手軟,但係打打吓都好難控制咁多,所以第二日真係有啲力不從心......

一開始游水都無咩嘢,我同steve黎游,佢要練好啲自由式,我淨係佢附近游蛙式,我係roaming(漫遊)嫁喇,咩我有快的必要咩?然後其他的人成日游成幾十個塘都唔停咁,都唔知為咩.食完飯之後,我嘛走咗去gym room試吓囉,點知....哈哈,淨係brenchpressing OK囉,其他背肌手肌的就唔得喇. 然後我三點鐘就出咗去尖咀(無錯,又係尖咀),因為約咗珺珺同學嘛,佢係Espirit掃緊貨,啲嘢$39/$59,真係平到笑,之後佢話有間海港城的cafe可以望到海景的,去去吓原來係Coffee Colorado,一間形式似Cova,但係好少位,(不過有個角有個位好好笑,好似周啟邦屋企的擺設,原來重有人reserve),一個cheese cake加咖啡就50,平Cova一半,但係個waitress好搞笑,成日話未夠鐘下午茶,我問佢有咩cheese cake,佢唔肯答,死都要我出去揀,不過點都好,都無嘢既,我地都坐咗成兩粒鐘,講咗好多嘢喎,我覺得我地真係絕配,都係狡猾的小朋友. 跟住我地就繼續咗掃貨大行動,珺去咗N個地方,係Tommy,Gap,Levis掃咗大量貨品,anyway,我淨係覺得Levis有件短袖衫覺得幾好,不過我又要趕住走,因為有人話我呀哥今日番屋企食飯,但係唔係囉,其實白痴都知唔會喇,一個月都或者有一次既,哈哈.

我要檢舉

台長： Dennis

人氣(16) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)