講真,我覺得有啲唔係咁好,不過都無辦法,好似洗濕咗個頭,原本唔想洗頭既都唯有繼續洗落去喇,可能洗洗吓會發覺其實都應該係時候洗頭呢. 雖然大家都知道無可能,但可否容許我們一刻的縱容......
今早,十一點半出咗去唱K,係尖咀CEO Neway,好耐未去過,我揀係因為有獨立洗手間,唔使係迷宮中揾廁所係方便好多既. 但係點知有人遲咗喎,仲話成日都掛住我喎,不過算你今次喇. 一開次梗係要唱飲歌"死性不改",呢首係我唯一鐘意boyz的歌,之後學咗首新歌"好好戀愛",咁就梗係唱埋佢地的"好心好報"喇. 中間有一大堆容祖兒的新舊歌,但係為咗一齊有得唱,咁就唱多啲twins的歌......其實我喉嚨都唔舒服,唱唔到高音,又唱唔得耐,但係點知佢一點半就cut歌,真係可惡至極,我地連楊千嬅關心研,最後重要重唱一次"死性不改"先得嘛. 咁我地嘛係間房度傾偈到二點鐘被人趕先走.
不過唔緊要,我地去咗附近的麥記傾偈,無叫嘢食又點呀. 傾咗啲fan的嘢,諗番件事都覺得好令人感觸,都唔明白點解,而大家都發覺點解有人去到今時今日廿幾歲人都唔化. 之後三點左右等到有tea食,嘛去番Ashley Road,因為我呢排比較窮,所以費事去海運喇. 間餐廳細,但係幾多人,所以我地就入咗去,點知啲嘢真係幾好食,附近食的人全部都係sales,你個茄子脆皮腸都幾OK,不過最唔好就係多人食煙,呢條街的食肆全部都有呢個問題. 傾傾吓嘛去咗海運嗰邊(啫係我昨天同珺珺出現過的地方),行咗一陣你又要走喎,咁我都唯有去陪你等8號巴士目送你走喇......之後自己嘛繼續行海運囉,最後都買咗arena泳褲喎,哈哈哈. 你地估唔到幾多錢嫁喇,不過Ben會知囉,其實所有賽褲的價錢都一樣,我成日冬天都無買咩嘢啫,都唔係好過份啫.
夜晚同Harris傾偈,咁下星期陪你游水囉,星期六約你去bar睇Liverpool對Man U,得未?
"人天生根本都不可以愛死身邊的一個
怎奈你最夠刺激我 凡事也治到倒我
幾多黑心的教唆 我亦捱得過
來煽風來點火 就擊倒我麼
誰戀愛就多障礙 死性我不想改
如我沒有你的愛 我沒法活得來
情人的存在 是我從來都志在
難在我拱手讓愛"
文章定位：
