星期四本來要學琴,但係老師有啲事所以唔使學,令到我瞓晏咗,咁睇完美味天王之後,就心血來潮,print咗好耐之前save低咗的"但願人長久"的琴譜出黎,之後練咗陣,都彈得至少似樣,因為自己以前中一時成日聽呢隻歌,個時無mp3,CD.....淨係錄音帶,就不停番播,而歌中間有一段transition,啲旋律係好靚,心諗自己如果有日彈琴彈到就好喇,過咗成十年,竟然呢件事會實現到.....老懷安慰
之後本來諗住行去又一城,因為未試過,但係最後都無咁做,去咗PageOne睇書,睇咗本教游蛙式的書,發覺自己的腳係有啲動作未做得到. 之後上咗柏斯琴行,見到啲琴譜除咗有Schirmer版同Henle版之外,仲有隻橙色的版本,睇吓都覺得幾忠於原著. 之後五點半落番LG2,因為約咗弟兄們係度等. 今次有四位,加埋兩位導師,好快就等齊人就去城大一間conference room之類的地方傾吓,一開次都唔知講咩,都好似無一個題目咁,但係一話屬靈情況點,順達就好多嘢想講,對來年有三個立志. 我都係咁喇,覺得自己今年被主拆毁打倒,不敢靠自己而去靠主.永鴻一句求其我都覺得OK funny,真係唔似喎. 總之講咗好多嘢(內刪五萬字),五點幾去到八點鐘喎,不過順達講得最多,有啲嘢我唔係唔想講,但係真係唔記得咗,事後就費事講番出黎喇,有人知嘛得囉,但係我好驚喎,咩我成日係九龍城同荷里活廣場俾人見到既,點解我唔知既....... 之後去咗九樓的芝蘭閣,原來有間西餐廳,真係我今日先知,啲裝修同食物都可以,話晒都係$35一個set喎,重想點,但係個set奇在無tea or coffee. 本來番屋企好開心,但係我呀媽又借故鬧人,我話個啤梨好食,佢就話俾啲咩好食的嘢都無用嫁,個仔生成咁. 佢之前又係咁,我話間舖無口碑,佢又無端端講我同我呀哥唔理口碑,我諗佢都係中年期發作,因為Teri男友的父親又係咁.
今日去咗同teri去尖咀食飯,咁係尖咀站我見到個遊客嘛諗住幫吓人囉,但係點知佢講咗個我都唔識的英文出黎,Trussai Muesum,原來佢俾我睇番係杜莎夫人蠟像館,都係多得碧咸個蠟像頭,但係都唔易係尖咀教佢上山頂,希望佢去到喇. 之後我同Teri去咗海運一間新開的餐廳叫Panash,係Facess下面的,咁我個燒豬骨飯就$68加一,係南天的sterotype,即有兩個包,湯,main dish,tea. 對面有間日本嘢,迴轉壽司,一碟大約20-30,另外有間傳奇地貴的stonegill. Teri同我講咗好多我以前一個民生同我中二三特別friend的人的嘢,有時覺得一個人會唔去獨處,驚去面對自己面對問題. 之後我地又繼續行我兩日之前同Tony行過的地方,但係我又唔會悶,因為我地志在傾偈. 咁我自己問題又可以點呢,交俾主,真係要交託,因為在人不能,在神凡事都能. 都好多謝Teri陪我等2號巴士,途中佢講咗一樣好奇的嘢,佢話佢男友可以因為踢波而唔陪佢,咁我都唔明白,因為我從來都未試過踢波,亦無一班男仔friends,不過我真係唔明Teri點解對於一大班男仔出黎有咁......無聊的感覺.
對唔住Nick,因為一早約咗佢出黎食飯,點知我屋企啲人發神經搞到我地見唔到面喎,真係唔好意思,下個星期喇.
文章定位：
