今次災難,我發現咗幾樣嘢,第一係承諾的捐款永遠比實際的捐款大得多,現在雖然己承諾20億美元,但上年伊朗地震承諾的11億美元,最後出來的只不過是1750萬美元,除了覺得人可耻之外,也發覺人往往也是受感情一時的影響,作出誇大的承諾,最後卻兌現不了,我們生活上感情事上不也是充滿這種情況嗎?
美國一開始只捐出1500萬美元,之後被人批評才加多2000萬,連New Times自己也覺得吝嗇,其實捐得少唔係一個main point,但搞笑的是大部份美國人相信自己國家是慈善大國,2002年Bush話每年援助非洲最高50億喎,最後一分都無出過,上年的伊朗地震也開了支票,卻現今也沒有兌現,更批評不富有的西班等自私,常常自詡慈善第一. 現在被人批評後,立即組織由美,日,澳,印形成的"核心集團"展開救援行動,其實內幕消息指美國政府根本上想借此修補近年被其反恐戰損害的東南亞關係. 呢啲咁的國家,有咩荀嘢就即刻撲埋去,成日周圍指摘其他國家,以反恐名義掛帥去謀奪其他窮困地方的利益,其實美國做緊啲咩相信好多人都有眼睇,不過唔夠佢惡無聲出啫,而家仲俾布殊連任,會橫行多幾年......不過無既,人在幹,天在看,我好相信有天收.
星期二同咗TOny出尖咀食飯,自從civil考試之後都未見過,佢第一句就係同我講"你剪短咗頭髮". 跟住去咗港運的Star Restaurant食,有個印度部長,問我地要咩湯,我要vegetable soup,點知係西洋菜喎,TOny個Crab meat仲奇,都唔知係咩. 但係我個咖喱焗銀雪魚飯好掂,仲有個幾好的甜品,同Ruby Tuesday價錢差唔多,六七十蚊加一係尖咀好正常. 之後去咗住好啲,有好多好型的家具,有套黑色的枱都係三千幾,但係如果俾我買咗一定勁唔match我屋企,之後我雖然行晒海運海港,但係我都係好忍到我咁咩嘢都無買到,Arena.....算喇. TOny仲陪我去咗Sheraton樓下間3去整我陪手機,哈,佢自己終於出咗陪3G,但係好大聲喎.
本來Joe約我咁朝出街,十點至兩點喎,但係佢自己竟然起唔到身,我十一點半終於忍唔住打俾佢,原來佢仲係hall瞓緊,咁我地就錯過咗最後一次見面的機會喇. 我本來話入科大揾佢,點知佢又要同人下畫食tea,咁我都無計,佢明天又人屋企人送機喎,咁以後唯有上網見喇. 但係我三點幾無聊地番咗科大,同Leo一齊做gym,因為Leo同學逄一三五都會番UST做,咁我嘛撞吓佢囉,佢成年做gym都係著住同一套衫,都唔知洗唔洗......PS:一個讀computer enginee yr2的靚仔.
夜晚番咗查經,又開始一巻新的一輪"使徒行傳",正如眾肢體分享,這不是使徒的Acts,乃是聖靈的Acts. 我自己也有同樣的感動,似乎整巻書也在說明"他們所謀的、所行的、若是出於人、必要敗壞．若是出於 神、你們就不能敗壞他們．". 另外自己也很深刻那"我故此沒有違背那從天上來的異象．",就是保羅一生所事奉的,若有真的看見,就永不會違背.
文章定位：
