我同意一位弟兄所講,"今年且留著".留著不是為別的,乃是又一年為主活.
我係屋企喎,無嘢,仲睇緊叮噹. 我其實都唔係話有啲咩嘢想瞞大家,只不過係有時屋企的嘢都好難講,有時都唔想同人講,咁真係好似B law話咁,family裏面的嘢係family arrangement,除非關係imcordial,如果唔係官都費事理. 你地又幫唔到我啲咩喎,咁我靜吓都好既.
星期五我重去見咗Joe,其實我都未想見人,但係諗住佢會走,佢又唔知我的事,所以嘛見吓佢囉,陪佢去旺角買convertor,十九蚊個緊係俾人呃喇,又Langham Place,呢次係我第一次去,好多(31日梗係多人喇),間Seibu好細,啲貨好唔得. 我行咗無幾耐就走lu. 其實我唔係咁鐘意佢個人某方面,係typical American,以為自己咩都得咩都掂,努力就可以成功,但係我的人生觀唔係咁呢......同埋約人出街永遠都唔會約實一個時間,30日就叫我下畫打俾佢,下畫又叫我三四點再打俾佢,出到去先知去邊......我都係鐘意約實一個時間多啲.
年會,唔係AGM,係咩我又好難去介定,總之會一齊食飯(今年係酒家),有傳道人同弟兄執事去分享領受,好記得海明的"把兩個小錢投進去"好像把生命都投在殿的庫中,另外但以理向著Jurasalem和以利沙上迦密山.
肇軒病了,但也要應付考試. 和順達說了很多話,大家似乎在今年也學了不少,實驗了不少從前未明白的地方. 我再一次聽有人講先生出錯題目,好離譜.
終於可以睇到protected的diary,特別覺得有篇多謝各位的好好,因為我今年真係要多謝好多人:
屋企人,今次搞咁大件事,最後都明白屋企係一個點的地方.
弟兄,如果無弟兄們,我係內地最難的日子同番返之後同人傾訴,都係得你地,亦只有弟兄先真正明白我的處境,是不信的人永遠都唔會明白的,弟兄點止一世,簡直永世喇.
大學同學,有人陪我過一個個係南北小廚hae的日子,有人努力明白我而我亦打開自己,有人仍然是我year 1有晚無端端陪我去Hollywood Plaza之後就做咗fan,有人一有機會就同我係太子地鐵站等一齊番學雖然有咗另一半,有人係year 3突然番香港之後同我好熟重成日同我傾信仰問題,有人exchange黎香港俾我做佢係香港的best friend,有人係gym相識成日一路做gym一路吹水,有人請我去佢屋企開大食會但係我無去到,有人住係我屋企附近成日話同我出去睇波,有人次次同我一見面就攬頭攬頸又去太子飲Chivas.....
中學同學,你地係一班好清楚我的人,因為至少識咗五六七年,(應該無咩係小學掛?),你地比較清楚我的背境或者動機,更加會明白我係一個幾自我的人,無辦法喇,我就係天蠍座嘛. 雖然今年有啲人唔係成日可以見到,但係個份一有嘢仆到去的感情,個份可以喊出黎的感情,我真係好感動. 尤其是某某人,你搞咗咁耐,終於塵埃落定,都算係一件好事. 尤其是某某人,我今日仍然係第一個打電話祝你生日快樂的人,應該以後我都係第一個. 尤其是某某人,雖然我地呢排無得游水,但係吹人依然. 有一個人,成日都唔同我icq,但係有成日睇我diary同inform,嘛係"放唔低"之人. 有一個人,今年去咗internships,番工之後就差唔多無見過,但係我知佢前路應該好好. 有一個人,會過時過節send卡過黎,成日話減肥但係水腫的. 仲有一個人,我好想見你,但唔知你又有幾想見我呢,己經兩年喇,但係我仲好記得,相信你都係......
文章定位：
