星期四係科大商學院的畢業典禮,亦都係我地組MGTO present的大日子. 咁上咗一個鐘business law後,我就要趕去rehersal,咁一點半就開始喇. 我負責扮Fuji Xerox 的CEO, Tony,都好搞笑喎,段commercial都好無聊. 不過有兩個問題:1.Joe的SWOT太長 2.我地全部over run.所以整體上都OK悶. 最後Q&A,有個exchange問點解stock price會跌,我話係因為1996同1999有兩次的dividend split,然後global Irene問點解split,我重頂得住話係因為$150太貴,咁分拆可以increase capital raising ability,最離譜係追問我咁對於Xerox的內部structure有乜影響,真係激氣,好在Angela幫我擋一擋啫. 之後Hildy都好想問,但係我就怒睥住佢,搞到同Irene講話Dennis的眼神令到佢唔敢問,但係佢最後仍然忍唔住咁問:香港的Xerox間市部點解由六間減至一間,咁Xerox又如何進軍呢個內地市場? Joe就講咗一輪exchange 口音的英文就帶過咗......但係無意之中俾我知道咗Irene去咗UBS interview喎,好勁呀.
咁之後我走咗去陪廣昌,因為佢家姐今日黎科大畢業,佢一條友應該悶. 咁我又捉咗佢同我落LG1食嘢,點知食食吓佢又要上番去睇,咁我等咗一陣,(我係度好無聊咁係張枱彈琴,俾啲waiter望住)之後吹水吹咗好耐,我地一齊番長沙灣. 佢帶眼鏡斯文好多喎. 個晩個兩點幾send咗啲嘢俾我幫佢譯,不知幾難,搞到我成四點半先瞓.
星期五早上同Steve游水,其實游水好開心,但係咁凍游就唔係咁好玩囉,所以我地都係游咗無一個鐘,就去咗食飯,之後去libra温書.同Tony一齊上Acct301,Nick都話個位好凍(不過佢都瞓得著,唔知佢揾唔揾得番支大咀鳥筆呢),咁上完堂我就同Joe出尖咀.
Joe帶咗一個叫阿康的year 1出黎喎,咁我都無乜所謂既.佢讀EE同BBA double degree,所以應該係勁人,A level應該有一兩條A. 不過佢都無咩出聲,你知我(同Joe)可以廢話都嗡一餐. 我都係無聊咁帶佢地去咗Citysuper,途中買咗盒墨魚丸一齊食,之後出咗去海傍,Joe身為exchange點可以唔係度影番幅相.一直行出去星光大道. 再係尖東金馬倫道,金巴利道揾嘢食,點知大家都好婆媽,唔決定去邊道食,其實我一早諗定,但係阿康的出現打亂咗我陣腳,我本來諗住同Joe去Ruby Tuesday或者翠園食中菜(Joe係無budget,佢屋企有錢,就算我請都係幾舊啫),但係阿康係budget$50-60囉,你諗吓尖咀夜晚好啲都唔止喇.最後番咗Ashley Road(啫係我成日都去同大家食tea的地方),行到去北京道一間茶餐廳食囉......平,每人三草左右. 咁Joe每日都食糖水嘛,我就帶佢地去廣東道的糖朝,三個人叫咗一桶仔的山水豆腐花,食到我地死咁滯,都係$80,我地重同個桶影咗幅相. 十點幾我就走喇.
文章定位：
