前兩日(星期一)同Tony & Hildy下畫去咗南北飲茶,係我地今年第一次唔係下午茶時間入去. 叫咗個特點燒賣,好好食,不過唔係一籠一個,有少少失望.又食咗蒸腸粉同煎腸粉,重炒咗個貴习,不過有啲辣,Hildy唔係咁食到. 佢地成日想去旅行,但係我真係再無incentive,唔係錢的問題,我唔係儲緊錢,但真係同Steve一樣諗法:而家呢樣唔係我想要的嘢. 跟住上Business Law tutorial,我地個mid term above mean呀,雖然無頭奬吹氣梳化,但係都好滿足.
重令人興奮的係我之前考完唔識的MGTO321,我連Wal Mart有啲咩做過都唔知,但係又竟然可以高成個SD,我入U而黎都係第一次攞9字頭咋,好驚呀.我今個sem所有mid term同project/case都above mean,要大嗌十聲好彩. 我地MGTO組好開心,我地拍咗一段廣告,關於我地present 的Xerox corporation:咁我就去LG4的Print shop,點知copy唔到嘢,咁我就發晒脾四咁,然後Sam就好淡然咁出黎話,梗係喇,呢部係Xerox嘛......我地有camaraman: Kuohsin,有大導演: Joe,重有actor: 我同Sam. 而我地presentation個形式係talk show,咁Sam就好似大衞牙擦騷的大衞咁,同我地啲人做清談節目,而我就係首先出場的Fuji Xerox主席,介紹吓間公司的背景......而段片係中間當廣告時間咁播既.
今日開完會之後同Tony去咗又一城,本來諗住係食飯,點知要等到成十點先有得食. 因為要同Wun,Priscilla同紅紅一齊幫我兩年前的組爸買禮物,佢地明天行畢業典禮嘛. 我地入咗mook,FX creation,最後都係去咗Polo買咗一件冷衫,應該無乜問題的. 我都好耐無入過Polo or Tommy,因為我要抵制美國貨,反對布殊連任. 講真,我同組爸都唔熟,所以揀嘢時都無乜心機. 自己去咗買本琴書:Bach的3 part invention. 之後同佢地係food court食嘢,傾咗一陣無聊嘢,十點半就走喇.
有一句成日記住"當你落在順利的環境靈性會差,唔順利時會好",好似有啲道理,但係應該唔係咁.我成日覺得呢啲咁unstable 的情況,係唔應該出現係一啲信得好的人身上.PS:信得好係唔等於信得耐. 第二,收到一封email,我自己寫:主今年係我身上的手好重,自己之後再諗,都唔知應唔應該咁講.
開會之前收到你的電話,好開心呀.我黎HKU揾你又有咩所謂啫......如果你肯見吓我,俾我請你請餐飯的話. 其實點講呢,我自己又想點呢. 點解會咁嫁呢. 無論點都好,我真係好想講一句......好鐘意鄧麗君的"我只在乎你"其中幾句:"如果沒有遇見你,我將會是在那裡,日子過得怎麼樣,人生是否要珍惜","人生幾何能夠得到知己....." 唔使理我.
張相係我地present的powerpoints,好型!
文章定位：
