其實我都唔記得自己開過幾多個diary,大約有五個左右......同ICQ account數目差唔多. 有啲係public,有啲係private,有啲丟空了,呢個算係最多人睇. 我己經好努力咁將出得街的嘢寫去黎,希望所有知道我呢個diary既人了解我多啲,但係正如一首歌所言:誰沒有隱秘? 而我所經歷的,你地都唔明白喇,費事寫出黎. 寫到呢點,我真係覺得自己係tough咗,個人薑咗.
點解講diary呢,因為今日同Tony,Hildy佢地幾個飲茶時,佢地係度討論Xanga的日記,我都有Xanga喎(不過你地唔使嘥時間試,因為又同呢個diary或者其他係唔同的),不過我都費事出聲,我對唔熟的人無咩興趣,自己都未顧得掂,都唔想知太多人地的嘢. 我最關心的人,大部份我都唔知佢地點,一係就無OD,一係就private,一係就有OD但係十世都唔寫......
今日知道咗幾樣嘢,下星期二in Deloitte,一間最頹的Big4,係上環,我最唔鐘意.啲Client base又頹,仲要個recruitment process懶係pro咁,抄晒price啲嘢,又唔睇吓自己咩身世. 不過而家我都無得揀,因為其他三間都唔要我嘛,咁唯有將就吓喇. 不過話時話,audit係唔係真係咁適合我呢. 另外今日聽咗個超頹的recruitment talk,係bank of china,其實我都唔介意用中文,但係佢上年請二百個officier trainee,咁晉升機會嘛好差? 但係佢有低息按歇,十五日假,仲有雙糧,起薪都應該有成皮,都OK適合我呢啲頹人. 我仲等緊DBS的talk,同UBS星期五黎請Wealth Management Research temp,我都想試吓,因為我鐘情UBS.(因為我好欣賞佢有個orchestra,年年會virtuoso,今年11月先黎過香港) 雖然我知道好渺芒,就算唔得我都想睇吓啲pro的presentation囉.
朝早番咗去做gym,因為遲咗少少,所以無時間跑步,入到去除咗有人上堂外,又見到班龍舟隊係度,其實我都ok佩服佢地,係天津(上海)贏完番黎又操過,自己諗吓,其實每一個人都應該有樣嘢devote去做,咁你就應該擺時間去做,無論玩龍舟好,讀書好,咁你就有一樣嘢成功. 以前同Steve一齊做gym,我好驚訝佢一啲都唔專心,都有其他人同我講過做gym真係好悶,都唔明點解可以玩咁耐. 當你devote的時候,你就會明白.
其實我揾工的事上面,我真係幾放心,因為我開始信託俾主,一開始我自己諗得太多,有晒自己的定規,以為入Big4係好自然.其實唔係的,我一直都知道呢條路係唔適合一個要認真信主的基督徒,(正如我中七要入law,我一直都知道law係有好多時條同信仰contradict),無論工作時間同環境,其實都唔啱. 如果我死話要的時候,咁主嘛俾我囉,但係問題就出現,好似以色列人求王,神嘛俾佢地囉,不過後果自負. 更何況我地係幾咁的短視,自己以為係最好,其實睇真啲又唔係. 所以,次好的我是不要,我要的係至好.
文章定位：
